Shyǵys Qazaqstan oblysynyń eki aýdanynda qatty jel birneshe ǵimarattyń shatyryn ushyryp áketti, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, osymen ekinshi kún qatarynan aimaqta qatty jel týraly daýyldy eskertý jariialanǵan. Ulan men Zaisan aýdandarynda jeldiń qatty bolǵany sonsha birneshe ǵimarattyń shatyryn ushyryp jiberdi.
Ulan aýdany Asýbulaq aýylyndaǵy jalpy aýmaǵy 226 sharshy metrge jetetin aýrýhana ǵimaratynyń shatyry zaqymdanǵan.
«Zaisan qalasynda jeldiń jyldamdyǵy sekýndyna 28 metrge deiin jetip, sonyń saldarynan Kondiýrin kóshesindegi turǵyn úidiń, M. Daýlenov atyndaǵy mektep-internattyń, Áýezov atyndaǵy mektep pen Boqajanov kóshesindegi ǵimarattyń shatyry búlindi», - dep habarlady vedomstvo ókilderi.
