Shyǵys Qazaqstan oblysynda shekteý sharalary 3 mamyrǵa deiin uzartyldy, dep habarlaidy "Ult aqparat".
ShQO Bas memlekettik sanitarlyq dárigeriniń jańa qaýlysy jariialandy. Onda jazylǵandai, óńir boiynsha karantin 3 mamyrǵa deiin uzartyldy. Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
65 jastan asqan adamdarǵa jáne halyqtyń áleýmettik qorǵalatyn toptaryna birinshi kezekte qajetti taýarlardy, azyq-túlik pen dárilik zattardy jetkizýmen eriktiler ainalysady. Memlekettik organdar men uiymdarda azamattardy jeke qabyldaýdy, qyzmetkerlerdiń qatysýymen keńester men seminarlardy ótkizýdi azaitý qajet.
«Semei qalasy, Abai, Borodýliha, Shemonaiha, Úrjar, Zaisan aýdandarynyń ákimderi, ShQO densaýlyq saqtaý basqarmasy, ShQO memlekettik kirister jáne politsiia departamentteri, qalalar men aýdandardyń sanitarlyq-epidemilogiialyq baqylaý basqarmalary óńirdiń syrtqy shekaralaryna kirip-shyǵýdy baqylaý úshin Almaty oblysy tarapyna qoiylatyn 2 jáne Qaraǵandy oblysynyń tusyndaǵy 1 sanitarlyq bekettiń jumysyn qamtamasyz etýi tiis. «Qyzyl» aimaqtaǵy óńirden keletin adamda sanitarlyq beketterdi kesip ótken kezde COVID-19 infektsiiasynyń joqtyǵyn rastaityn PTR synamanyń teris nátijesi týraly úsh táýlikten aspaityn anyqtamanyń bolýy mindetti», - delingen qujatta.
Sondai-aq áleýmettik qashyqty jáne maska rejimin saqtaǵan jaǵdaida kóshede, saiabaqta, alańdar men jaǵalaýda serýendeýine ruqsat berilgen.
