Shyǵys Qazaqstandaǵy qalalardyń birinde qandala qaptap ketti degen aqparat taraǵan bolatyn. Mamandar jaǵdaiǵa bailanysty naqty jaýap berdi, dep habarlaidy QazAqparat.
Dálirek aitsaq, aǵash qandalasy Altai qalasynda kóbeie túsken. Jándikterdiń qandai da bir juqpaly infektsiia taratýynan qoryqqan turǵyndardyń mazasyzdanǵandyǵy shyndyq. Al aýdandyq epidemiologiia baqylaý bólimi mamandarynyń aitýynsha, aǵash qandalasy adam densaýlyǵyna qaýip tóndirmeidi. Sondai-aq infektsiia taratpaidy.
– Sol sebepti qandai da bir qarsy shara qabyldaýdyń negizi joq. Máselen kene qaptaǵan jaǵdaida, birden zararsyzdandyrý jumystaryn júrgizemiz. Óitkeni olar adam densaýlyǵyna tikelei qaýip tóndiredi. Aitalyq birqatar qaýipti aýrýlardy janýarlardan adamǵa tasymaldaýǵa beiimdelgen... Al eger qandala úidiń ishine qaptap ketse, sóz basqa. Mundai jaǵdaida turǵyndar shaǵym jasap, dezinfektsiialaý zerthanalaryna júgine alady, – deidi atalmysh bólimniń qyzmetkeri Latipa Muratbekqyzy.
Mamandardyń sózine súiensek, kúnniń jylynýyna bailanysty jándikterdiń kóbeie túsýi negizinen qalypty jaǵdai. Osy oraida aita ketýimiz kerek, «tal-búrgen nemese qamys-qýraidyń arasynan bolmasa, úidiń aýlasyna ia ishine qaptap kirgen qandalalardy kórmedik» degen turǵyndar da bar. Osyǵan qaraǵanda, aǵash qandalasynyń sany aýa raiyna bailanysty jáne belgili bir aýmaqta ǵana arta túsken bolýy múmkin.
