Foto: ashyq derekkóz
Shyǵys Qazaqstan oblysynda sintetikalyq esirtki óndirýmen ainalysqan jasyryn zerthananyń qyzmeti áshkerelenip, tolyqtai joiyldy, dep habarlaidy Ult.kz.
Quqyq qorǵaý organdarynyń málimetinshe, 26 jáne 22 jastaǵy eki kúdikti shalǵai aýyldardyń birinen úi jaldap, sol jerde esirtki óndirisin jolǵa qoiǵan. Qylmystyq shema muqiiat uiymdastyrylyp, jasyryn túrde júrgizilgen.
Polisia.kz habarlaýynsha, jedel-izdestirý sharalary men tintý barysynda iri kólemdegi aiǵaq zattar tárkilendi.
Atap aitqanda, zerthanalyq qurylǵylar, 70 keli daiyn sintetikalyq «Alfa-PVP» esirtkisi, sondai-aq shamamen 4 tonna himiialyq reagentter men prekýrsorlar zańsyz ainalymnan alynǵan.
Tergeý barysynda qylmystyq árekettiń internettiń kóleńkeli segmenti arqyly qashyqtan basqarylǵany anyqtaldy. Sonyń nátijesinde shamamen 250 myń bir rettik doza zańsyz naryqqa túspei, der kezinde toqtatylǵan. Bul júzdegen adamnyń ómiri men densaýlyǵyn saqtap qalýǵa múmkindik bergeni atap ótildi.
Atalǵan derek boiynsha Qazaqstan Respýblikasy Qylmystyq kodeksiniń 297-1-baby negizinde sotqa deiingi tergep-tekserý bastaldy. Kúdiktilerge ómir boiyna bas bostandyǵynan aiyrý jazasy taǵaiyndalýy múmkin.
Esirtki qylmysyna qarsy kúres Ishki ister organdarynyń basym baǵyttarynyń biri retinde jalǵasyp, mundai zańsyz áreketterge qatań tosqaýyl qoiylatyny aityldy.
