Shyǵys Qazaqstan oblysynda esirtki satýmen ainalysqan qylmystyq toptyń joly kesildi, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, esirtki qylmysyna qarsy is-qimyl basqarmasy QR Ulttyq ulany 5518 áskeri bólimimen birlesip Óskemen qalasynda jasyryn jerler arqyly psihotropty zattardy saýdalaýmen ainalysqan qylmystyq topty áshkereledi.
Qylmystyq toptyń quramynda 19-dan 26 jasqa deiingi 6 er adam bolǵan. Tekserý barysynda kúdiktilerdiń sintetikalyq esirtki salynǵan túiinshekterdi tyǵyp qoiǵan jerleri anyqtaldy.
«Tártip saqshylary polietilen qapshyqtardan sintetikalyq psihotroptyq zattyń 3500 dozasyn tapty. Osylaisha, zańsyz ainalymnan 1 keliden astam esirtki tárkilengen. Onyń «qara naryqtaǵy» quny shamamen 35 million teńgeden asady», - dedi ShQO PD bastyǵy Saǵat Mádiev.
Qazirgi ýaqytta kúdiktiler ýaqytsha ustaý izoliatoryna qamaýǵa alynǵan. QR Qylmystyq kodeksiniń 297-baby 3-bóligi boiynsha sotqa deiingi tergeý amaldary júrgizilýde.
