Illiýstratsiia: pixabay
ShQO-da esirtki tasymalymen ainalysqan dekrettegi áiel ustaldy, - dep habarlaidy Tengrinews.kz "Astana" telearnasyna silteme jasap.
Shyǵys Qazaqstan oblysynyń politseileri esirtki taratýshylardyń jolyn kesti. Vedomstvonyń málimetinshe, oblys turǵynynyń páterinen satýǵa daiyndalǵan marihýana salynǵan sómkeler tabylǵan. Dekrettik demalystaǵy áiel qosymsha aqsha tabý úshin, nárestesimen serýendep júrip esirtki taratqan. Áieldiń túnde ózderi alyp ketetin klientteri de bolǵan.
Taǵy bir jaǵdaida, videoǵa aýlaǵa sportpen ainalysýǵa shyqqandai kóringen jigit túsken. Anyqtap qaraǵanda jas jigit jerge birneshe dozany jasyryp, sýretke túsirip internet arqyly satyp alýshylarǵa jibergen.
"Video jáne fotonyń kómegimen qylmysker kóp uzamai ustaldy", - deidi ShQO IID Ákimshilik politsiia basqarmasynyń bastyǵy Erqyn Ánýarbekov.
Jedel izdestirý sharasynda úide jáne monshada esirtki saqtaǵan Semei qalasynyń turǵyny ustaldy. Er adamnyń qaltasynan da gashish tabylǵan. Kúdikti kinásin moiyndady.
"Esirtki, psihotroptyq zattarmen zańsyz ainalysý deregimen 44 jastaǵy Semei qalasynyń turǵynyna qatysty Qylmystyq kodekstiń 296-baby 2-bóligi boiynsha sotaldy tergeý bastaldy. Bul baptyń sanktsiiasy 40 táýlikke deiin qamaýǵa alý túrindegi jazany qarastyrady", - dedi ShQO ishki jáne syrtqy kommýnikatsiialar basqarmasy basshysynyń mindetin atqarýshy Tatiana Karpova.
Ishki ister ministrliginiń málimetinshe, jyl basynan beri 33 keliden astam daiyn esirtki tárkilengen. Jartysyna jýyǵy - sintetika.
Ministrlik esirtki satýshylar sheteldik kontrabandadan otandyq óndiriske kóshkenin aitty. Biyl Almaty, Almaty oblysy, Aqtóbe jáne Shyǵys Qazaqstan oblystarynda segiz dári-dármek zerthanasy joiylǵan.
