Shyǵys Qazaqstan oblysynda koronavirýsqa qarsy qarsy vaktsinanyń ekinshi dozasyn egý bastaldy, dep habarlaidy "Ult aqparat".
1 aqpannan bastap elimizde koronavirýsqa qarsy reseilik «Spýtnik V» vaktsinasyn erikti túrde salý naýqany bastalǵan. Eki komponentti preparat 21 kún aralyqpen egiledi. Shyǵys Qazaqstanda 1300 adam koronavirýsqa qarsy ekpe aldy. Olardyń eshqaisynda asqyný belgileri bolǵan joq. Búginnen bastap meditsina qyzmetkerleri ekinshi dozany egýde.
«Biz alǵashqy ekpe alǵandardyń qatarynda boldyq. Ózimde janama áserler bolmady, temperatýra kóterilmedi. Qazir vaktsinanyń ekinshi dozasyn aldym. Eń bastysy - endi koronavirýs infektsiiasynan qorǵana alatyn sezinemin. Biz meditsina qyzmetkerleri únemi qaýip ústinde júremiz. Sondyqtan Semei qalasynyń Perinataldyq ortalyǵy qyzmetkerleriniń 75%-y vaktsina aldy, - deidi atalǵan ortalyq direktory Arkat Dairbekov.
Revaktsinatsiia júrgizý úshin ShQO-ǵa 1300 doza vaktsina jetkizildi (Óskemen qalasynda-650, Semei qalasynda-650). Oblystyq Ana men bala ortalyǵynyń ýchaskelik terapevtik bóliminiń meńgerýshisi Aqbópe Tursynbekovanyń aitýynsha, vaktsina alǵan dárigerler dene qyzýy 38 gradýstan asqan jaǵdaida ýaqytsha eńbekke jaramsyzdyq paraǵyn asha alady.
«Mende alǵash ret inektsiia ornynda azdap bulshyqet aýyrýy sezildi. Keibir qyzmetkerlerdiń dene qyzýy kóterildi. Barlyq osy belgiler 1-3 kún ishinde joq boldy. Jalpy dárigerlerdiń jaǵdaiy qalypty. Bolashaqta barlyq áriptesterimizdi vaktsina alýǵa shaqyramyz», - dedi ol.
