شىعىس قازاقستان وبلىسىندا كوروناۆيرۋسقا قارسى قارسى ۆاكتسينانىڭ ەكٸنشٸ دوزاسىن ەگۋ باستالدى, دەپ حابارلايدى "ۇلت اقپارات".
1 اقپاننان باستاپ ەلٸمٸزدە كوروناۆيرۋسقا قارسى رەسەيلٸك «سپۋتنيك V» ۆاكتسيناسىن ەرٸكتٸ تٷردە سالۋ ناۋقانى باستالعان. ەكٸ كومپونەنتتٸ پرەپارات 21 كٷن ارالىقپەن ەگٸلەدٸ. شىعىس قازاقستاندا 1300 ادام كوروناۆيرۋسقا قارسى ەكپە الدى. ولاردىڭ ەشقايسىندا اسقىنۋ بەلگٸلەرٸ بولعان جوق. بٷگٸننەن باستاپ مەديتسينا قىزمەتكەرلەرٸ ەكٸنشٸ دوزانى ەگۋدە.
«بٸز العاشقى ەكپە العانداردىڭ قاتارىندا بولدىق. ٶزٸمدە جاناما ەسەرلەر بولمادى, تەمپەراتۋرا كٶتەرٸلمەدٸ. قازٸر ۆاكتسينانىڭ ەكٸنشٸ دوزاسىن الدىم. ەڭ باستىسى - ەندٸ كوروناۆيرۋس ينفەكتسيياسىنان قورعانا الاتىن سەزٸنەمٸن. بٸز مەديتسينا قىزمەتكەرلەرٸ ٷنەمٸ قاۋٸپ ٷستٸندە جٷرەمٸز. سوندىقتان سەمەي قالاسىنىڭ پەريناتالدىق ورتالىعى قىزمەتكەرلەرٸنٸڭ 75%-ى ۆاكتسينا الدى, - دەيدٸ اتالعان ورتالىق ديرەكتورى اركات دايربەكوۆ.
رەۆاكتسيناتسييا جٷرگٸزۋ ٷشٸن شقو-عا 1300 دوزا ۆاكتسينا جەتكٸزٸلدٸ (ٶسكەمەن قالاسىندا-650, سەمەي قالاسىندا-650). وبلىستىق انا مەن بالا ورتالىعىنىڭ ۋچاسكەلٸك تەراپەۆتٸك بٶلٸمٸنٸڭ مەڭگەرۋشٸسٸ اقبٶپە تۇرسىنبەكوۆانىڭ ايتۋىنشا, ۆاكتسينا العان دەرٸگەرلەر دەنە قىزۋى 38 گرادۋستان اسقان جاعدايدا ۋاقىتشا ەڭبەككە جارامسىزدىق پاراعىن اشا الادى.
«مەندە العاش رەت ينەكتسييا ورنىندا ازداپ بۇلشىقەت اۋىرۋى سەزٸلدٸ. كەيبٸر قىزمەتكەرلەردٸڭ دەنە قىزۋى كٶتەرٸلدٸ. بارلىق وسى بەلگٸلەر 1-3 كٷن ٸشٸندە جوق بولدى. جالپى دەرٸگەرلەردٸڭ جاعدايى قالىپتى. بولاشاقتا بارلىق ەرٸپتەستەرٸمٸزدٸ ۆاكتسينا الۋعا شاقىرامىز», - دەدٸ ول.
