Shyǵys Qazaqstan oblysynda bútin bir eldimeken turǵyndary ishimdikten bas tartty. Dúkenderde alkogol ónimderi men temeki satylmaidy, - dep habarlaidy "Ult aqparat" KTK telearnasyna silteme jasap.
Shaǵyn Januzaq aýylynda 70-ke jýyq otbasy turady. Olar úsh jyldan beri ashy sý iship, temek tartýdan jappai bas tartqan. Úige kelgen qonaqqa da araq-sharap usynylmaidy. Alkogoldi ónimdi aýyldaǵy dúkenderden tappaisyń. Osynyń arqasynda aýylda urlyq-qarlyq pen buzaqylyq sap tiyldy deidi turǵyndar. Salaýatty ómir saltyn ustanǵan jastardyń kóbi bos ýaqytyn sportqa arnaidy.
"Talaidan beri dúkenderde araq satylmaidy. Sebebi eshkim araq ishpeidi. Bul keleshek urpaqtyń tárbiesine úlken kómek. Balalarǵa kelsek, olar sportpen shuǵyldanady. Kún demei, tún demei, qoly bosai qalsa, fýtbol oinaidy", - deidi aýyl turǵyny Marjangúl Maǵaýiianova.
