شىعىس قازاقستان وبلىسىندا بٷتٸن بٸر ەلدٸمەكەن تۇرعىندارى ٸشٸمدٸكتەن باس تارتتى. دٷكەندەردە الكوگول ٶنٸمدەرٸ مەن تەمەكٸ ساتىلمايدى, - دەپ حابارلايدى "ۇلت اقپارات" كتك تەلەارناسىنا سٸلتەمە جاساپ.
شاعىن جانۇزاق اۋىلىندا 70-كە جۋىق وتباسى تۇرادى. ولار ٷش جىلدان بەرٸ اششى سۋ ٸشٸپ, تەمەك تارتۋدان جاپپاي باس تارتقان. ٷيگە كەلگەن قوناققا دا اراق-شاراپ ۇسىنىلمايدى. الكوگولدٸ ٶنٸمدٸ اۋىلداعى دٷكەندەردەن تاپپايسىڭ. وسىنىڭ ارقاسىندا اۋىلدا ۇرلىق-قارلىق پەن بۇزاقىلىق ساپ تيىلدى دەيدٸ تۇرعىندار. سالاۋاتتى ٶمٸر سالتىن ۇستانعان جاستاردىڭ كٶبٸ بوس ۋاقىتىن سپورتقا ارنايدى.
"تالايدان بەرٸ دٷكەندەردە اراق ساتىلمايدى. سەبەبٸ ەشكٸم اراق ٸشپەيدٸ. بۇل كەلەشەك ۇرپاقتىڭ تەربيەسٸنە ٷلكەن كٶمەك. بالالارعا كەلسەك, ولار سپورتپەن شۇعىلدانادى. كٷن دەمەي, تٷن دەمەي, قولى بوساي قالسا, فۋتبول وينايدى", - دەيدٸ اۋىل تۇرعىنى مارجانگٷل ماعاۋييانوۆا.
