Shyǵys Qazaqstan oblysyndaǵy Zyrianov aýdanynda Buqtyrma ózenindegi muzdy baqylaý úshin úsh tikushaq aimaqty aralap ushyp ótti, - dep habarlaidy "Ult aqparat" Qazaqstan IIM TJK baspasóz qyzmetine silteme jasap.
"Ózen ańǵarlaryn ashý boiynsha jaǵdaidy naqty baqylaý úshin tikushaqtardyń biriniń bortynda ShQO ákimi Danial Ahmetov pen oblystyq departamenttiń basshysy otyrdy. Quramynda jarý jumystary boiynsha mamandar men jergilikti atqarýshy organdardyń qyzmetkerleri bar jumys toby keptelis bolýy múmkin, osal aimaqtardy kókten anyqtap júr", - delingen baspasóz qyzmetiniń habarlamasynda.
Aita keteiik, TJK málimetinshe, oblys boiynsha sý tasqyny saldaryn joiý jumystaryna shamamen 1000 adam jumyldyryldy. Olardyń kópshiligi - QR IIM TJK túrli bólimsheleriniń qyzmetkerleri. Jergilikti atqarýshy organdardyń, Ulttyq ulannyń jáne politsiia qyzmetiniń ókilderi de kómektesip jatyr. Jumystarǵa 183 tehnika, 90-nan asa sý sorǵysh qural, 9 qaiyq jumyldyryldy.
Sý sorý jumystarynyń negizgileri Semei qalasynda júrgizildi. 246 úiden sý soryldy, sonymen qatar, Zyrianovsk aýdanyndaǵy Turǵysyn aýylynda 11 úiden, Qatonqaraǵai aýdanyndaǵy Barlyq aýylynda 2 úiden jáne Shemonaiha aýdanyndaǵy Rýliha aýylynda 4 úiden sý soryldy.
Keshe Zyrianovsk aýdanyndaǵy jaǵdai kúrdelene tústi. Qutqarýshylar 400-den asa adamdy evakýatsiialady. Zyrianovsk aýdanyndaǵy ákimshilik ortalyqta 105 turǵyn úi sý astynda qaldy, 200-den asa adam evakýatsiialandy.
Sonymen qatar, Kókpekti aýdanynda qardyń erýi men jańbyrdyń saldarynan Samarskoe jáne Panteleimonovka aýyldarynyń mańyndaǵy Lailinskoe jáne Karpovka sý qoimalary taýly aimaqtan kelgen qyzyl sýǵa toldy.
