Shyǵys Qazaqstan oblysynda «Brakoner» respýblikalyq jedel-aldyn alý sharasy barysynda zańsyz ańǵa shyqqan Glýbokoe aýdanynyń turǵyny ustaldy, – dep habarlaidy ShQO politsiia departamentiniń baspasóz qyzmeti.
Shemonaiha aýdany Verh-Ýba aýylyndaǵy «Maraliha» shatqalynda 38 jastaǵy er adam 2019 jyldyń 4 qazan kúni saǵat 21.30 shamasynda arnaiy jyljymaly jaryqtandyrý quraly men avtokólik shamyn jaǵyp, elik atqan. Tártip saqshylary ony qolǵa túsirgende eliktiń tutas etin, 12 kalibrli Ij-27 qosaýyzdy tegis uńǵyly myltyǵyn, oq-dári jáne «Mitsubishi Montero Sport» markaly kólikti tárkiledi. Anyqtalǵandai, er adamnyń ań aýlaýǵa ruqsaty jáne elik atýǵa litsenziiasy bolmaǵan. Atalǵan fakti boiynsha QR QK 337-baby, 1-bóligi boiynsha qylmystyq is qozǵalǵan» delingen habarlamada.
Shemonaiha aýdandyq sotynyń úkimimen brakonerdiń bir jyl atys qarýyn saqtaýyna jáne ań aýlaýyna tyiym salyndy.
Sondai-aq ol 202 000 teńge mólsherinde aiyppul tóleýge mindetteldi. Esterińizge sala ketsek, elimizde Memleket basshysynyń tapsyrmasymen brakonerlerge jaza kúsheitilgen bolatyn.
