Shyǵys Qazaqstan oblysy Jarma aýdanynda sibir eligin atqan brakoner ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, Jarma aýdanynyń politseileri «Omby-Maiqapshaǵai» tasjolynyń boiynda zańsyz ańǵa shyqqan er adamdy ustady. 55 jastaǵy Semei qalasynyń turǵyny sibir eligin atyp alǵan.
Kúdiktiniń tanysyna tiesili «Volkswagen» avtokóligi, 16h2 kalibrli «IJ-58» myltyǵy, 7.62 mm kalibrli «Vepr-Sýper» myltyǵy, 7.62 mm kalibrli 2 gilza, pyshaq jáne eliktiń óleksesi tárkilendi. Memleketke keltirilgen zalal 765 000 teńgeden asady.
Qazirgi ýaqytta er adam politsiia bólimine jetkizildi. Atalǵan fakti boiynsha QR QK-niń 337-baby 3-bóligine (Zańsyz ań aýlaý) sáikes sotqa deiingi tergeý amaldary bastaldy. Brakoner 5 jylǵa deiin bas bostandyǵynan aiyrylýy múmkin.
Aita keteiik, Qazaqstanda sibir eligi Qyzyl kitapqa engizilgen.
