Shyǵys Qazaqstan oblysynda biylǵy 6 aida 35 bilim berý mekemesine tekserý júrgizilmek, dep habarlaidy "Ult aqparat".
ShQO Bilim salasynda sapany qamtamasyz etý departamenti bilim sapasyn syrttai baǵalaý bóliminiń basshysy Botagóz Raiymbekovanyń aitýynsha, mektepterge profilaktikalyq baqylaý júrgizý qandai da bir zańsyzdyqtardy ýaqtyly anyqtaýǵa jáne onyń aldyn alýǵa baǵyttalǵan. Osyndai baqylaý «Bilim týraly» Zańnyń 59-baby negizinde júrgiziledi.
«Árbir jartyjyldyqqa profilaktikalyq baqylaý júrgizý úshin bilim berý uiymdarynyń tizimi bekitiledi. Osy jyldyń 6 aiynda mekemeni tekserý josparlanyp otyr. Ótken jyly baqylaý aiasynda 16 mektepte 58 buzýshylyq anyqtalǵan», - dedi ol.
Botagóz Raiymbekovanyń málimetinshe, óńirdegi mektepke deiingi mekemelerdiń materialdyq bazasynyń álsiz bolýy, balabaqsha tárbieshileriniń laýazymdyq nusqaýlyqtarynyń durys ázirlenbeýi syndy buzýshylyqtar anyqtaldy.
