Shyǵys Qazaqstan oblysynda turǵyndar endi qandai da bir quqyq buzýshylyq týraly óz aryzdary men habarlamalaryn qas-qaǵym sátte smartfon arqyly joldai alady. Ol úshin arnaiy «102» mobildi qosymshasy iske qosyldy, - dep habarlaidy «Ult aqparat».
Belgili bolǵanyndai, departament bólimshelerinde azamattardyń ótinishterin qabylaýǵa arnalǵan 40 jumys orny ázirlengen. Belgili bolǵanyndai, atalǵan baǵdarlamany ornatý óte ońai.
«Android júiesindegi smartfondar úshin «Play Mapket» jáne IOS júiesindegi smartfondar úshin «App Store» qosymshasy arqyly júkteýge bolady. Sodan keiin ekrannyń jumys panelinde «102» belgisi paida bolady. Paidalanýshy óz atymen tirkelip, elektrondy poshtasy men telefon nómirin engizedi. Operatormen bailanysqa shyqqanda avtomatty túrde geolaktsiia qosylyp, ótinish berýshiniń derekteri shyǵady. Bul ýaqytty barynsha únemdeidi», - dep habarlady Shyǵys Qazaqstan oblysy ákimdiginiń baspasóz qyzmeti.
Atap aitqanda, «Police 102» mobildi qosymshasy arqyly habarlama jazyp, oqiǵa ornynda túsirilgen fotosýretter men beine túsirilimderdi jiberýge bolady. Sondai-aq beine nemese aýdioqońyraý shalý múmkindigi de bar. ⠀
Aita keteiik, atalmysh qosymsha pilottyq rejimde synaqtan ótken. Eki apta ishinde politsiiaǵa «102» mobildi qosymshasy arqyly jeti ótinish kelip túsken. Onyń basym bóligi jol júrisi qaǵidalaryn buzýshylyqtarǵa qatysty. Jańa serviste azamattar politsiiaǵa táýlik boiy habarlasa alady.
Sonymen qatar, Shyǵys Qazaqstan oblysynda ata-anaǵa balasynyń qaida júrgenin bilip otyrýǵa múmkindik beretin mobildi qosymsha jasaldy.
«Qosymsha arqyly politsiia qyzmetkerleri azamattyń turǵan jerin anyqtap, jyldam áreket etedi. Budan bólek, tsifrlandyrý aiasynda balalar qaýipsizdigi boiynsha «Meni tap» júiesi iske qosyldy. Atalǵan mobildi qosymsha balalardyń kiimine japsyrylatyn trekerlerdiń kómegimen olardyń qaida júrgenderin qadaǵalaýǵa múmkindik beredi», - dedi ShQO PD bastyǵy Saǵat Mádiev.
Onyń aitýynsha, jergilikti politsiia qyzmetin reformalaý jumystary jalǵasýda. Halyqpen tyǵyz qarym-qatynas ornatýdyń standarttary men saqshylardyń jumys algoritmi qaita qarastyrylyp jatyr.
Esterińizge sala keteiik, Shyǵys Qazaqstan oblysynda birneshe mobildi qosymshalar iske qosyldy. Atap aitqanda, birinshi, «102» mobildi qosymshasy. Bul qosymsha arqyly Shyǵys Qazaqstan oblysynda turǵyndar endi qandai da bir quqyq buzýshylyq týraly óz aryzdary men habarlamalaryn qas-qaǵym sátte smartfon arqyly joldai alady. Sonymen qatar, Shyǵys Qazaqstan oblysynda ata-anaǵa balasynyń qaida júrgenin bilip otyrýǵa múmkindik beretin mobildi qosymsha jasaldy. Ol arqyly politsiia qyzmetkerleri azamattyń turǵan jerin anyqtap, jyldam áreket etedi. Budan bólek, tsifrlandyrý aiasynda balalar qaýipsizdigi boiynsha «Meni tap» júiesi iske qosyldy. Atalǵan mobildi qosymsha balalardyń kiimine japsyrylatyn trekerlerdiń kómegimen olardyń qaida júrgenderin qadaǵalaýǵa múmkindik beredi.
