Óskemendegi 3477 áskeri bóliminde kelisimshart boiynsha áskeri qyzmetshi ózin basynan atyp kóz jumdy dep habarlaidy "Ult aqparat".
Bul týraly QR Ulttyq ulany «Shyǵys» óńirlik qolbasshylyǵynyń baspasóz qyzmeti habarlady.
«2021 jylǵy 29 mamyrda 3477 áskeri bóliminiń kelisimshart boiynsha áskeri qyzmetshisi laýazymyndaǵy qatardaǵy jaýynger Iliias Muratuly Aidosov bekitilgen qarýdan óziniń basyna oq atyp, saldarynan qaza boldy», - delingen resmi habarlamada.
Atalǵan fakti boiynsha qylmystyq is qozǵalyp, tergeý sharalary júrgizilip jatyr jáne qyzmettik tergeý taǵaiyndaldy. Oqiǵanyń sebepteri men mán-jaiy anyqtalyp jatyr.
«Ulttyq ulannyń «Shyǵys» óńirlik qolbasshylyǵy áskeri qyzmetshiniń týystary men jaqyndaryna kóńil aitady», - dep habarlady baspasóz qyzmeti.
