Shyǵys Qazaqstan oblystyq Óner mýzeii Abaidyń 175 jyldyǵy aiasynda halyqaralyq plener uiymdastyrmaq, dep habarlaidy "Ult aqparat".
«Abai mereitoiyna orai «Biz tanyǵan Abai» atty halyqaralyq plener ótkizýdi josparlap otyrmyz. Oǵan elimizdiń túkpir-túkpirinen jáne shet memleketterden 20 sýretshi shaqyrylady. Bul sharaǵa belgili fotograftar da qatyspaq. Plenerdiń maqsaty – sýretter arqyly aqynnyń týǵan jerin álem elderine kórsetý», - deidi mýzei direktory Bekaiym Uiabaeva.
Sondai-aq, halyqaralyq plener aiasynda «Eń úzdik volonter» atty baiqaý uiymdastyrylmaq.
«Osy arqyly jastardy mádeniet salasyna baýlyǵymyz keledi. Saiystyń sharty boiynsha qatysýshylar sýretshilermen birge júrip, Abai álemin qazaq, aǵylshyn, orys tilderinde tanystyrady», - deidi Bekaiym Qasymhanqyzy.
