QR Qarjy ministrliginiń Memlekettik kirister komitetiniń Shyǵys Qazaqstan oblysy boiynsha Ekonomikalyq tergeý departamentiniń qyzmetkerleri ShQO boiynsha taýarlar men kórsetiletin qyzmetterdiń sapasy men qaýipsizdigin baqylaý departamenti qyzmetkerlerimen birge sertifikattalmaǵan dárilerdi satý faktisin anyqtady.
Jedel izdestirý is-sharalaryn júrgizý barysynda Óskemen qalasyndaǵy saýda úileriniń birinde ókiletti organdarda tirkeýsiz zańsyz kásipkerlik qyzmetti júzege asyrý faktisi anyqtaldy. Atap aitqanda, 42 jastaǵy oblys ortalyǵynyń turǵyny Qytaida shyǵarylǵan dárilik zattardy satý boiynsha litsenziiasyz qyzmetti júzege asyrǵan.
Saýda ornyn tekserý barysynda Qazaqstan Respýblikasynda ruqsat qujattarynsyz satylymǵa shyǵarylǵan 48 túrli virýsqa qarsy dárilik zattar men antibiotikter zańsyz ainalymnan alyndy.
Qazirgi ýaqytta atalǵan fakt boiynsha QR QK 214-babynyń 1 b. (zańsyz kásipkerlik) boiynsha sotqa deiingi tergeý bastaldy.
