قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنٸڭ شىعىس قازاقستان وبلىسى بويىنشا ەكونوميكالىق تەرگەۋ دەپارتامەنتٸنٸڭ قىزمەتكەرلەرٸ شقو بويىنشا تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ قىزمەتكەرلەرٸمەن بٸرگە سەرتيفيكاتتالماعان دەرٸلەردٸ ساتۋ فاكتٸسٸن انىقتادى.
جەدەل ٸزدەستٸرۋ ٸس-شارالارىن جٷرگٸزۋ بارىسىندا ٶسكەمەن قالاسىنداعى ساۋدا ٷيلەرٸنٸڭ بٸرٸندە ٶكٸلەتتٸ ورگانداردا تٸركەۋسٸز زاڭسىز كەسٸپكەرلٸك قىزمەتتٸ جٷزەگە اسىرۋ فاكتٸسٸ انىقتالدى. اتاپ ايتقاندا, 42 جاستاعى وبلىس ورتالىعىنىڭ تۇرعىنى قىتايدا شىعارىلعان دەرٸلٸك زاتتاردى ساتۋ بويىنشا ليتسەنزيياسىز قىزمەتتٸ جٷزەگە اسىرعان.
ساۋدا ورنىن تەكسەرۋ بارىسىندا قازاقستان رەسپۋبليكاسىندا رۇقسات قۇجاتتارىنسىز ساتىلىمعا شىعارىلعان 48 تٷرلٸ ۆيرۋسقا قارسى دەرٸلٸك زاتتار مەن انتيبيوتيكتەر زاڭسىز اينالىمنان الىندى.
قازٸرگٸ ۋاقىتتا اتالعان فاكت بويىنشا قر قك 214-بابىنىڭ 1 ب. (زاڭسىز كەسiپكەرلiك) بويىنشا سوتقا دەيٸنگٸ تەرگەۋ باستالدى.
