Shyǵys Qazaqstan oblysynda 40-qa jýyq jylqy urlaǵan 4 er adam ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, osydan birneshe kún buryn politsiia qyzmetkerleri Abai aýdanynda erkin jaiylymnan 13 jylqy urlaǵan 24 jastaǵy turǵyndy ustady. Osynyń saldarynan mal iesine keltirilgen materialdyq zalal – 5 mln teńgeni quraǵan.
«Sondai-aq tártip saqshylary 25 jáne 40 jas aralyǵyndaǵy taǵy úsh er adamdy quryqtady. Olar ótken jyldyń maýsym-qarasha ailarynda qaraýsyz jaiylyp júrgen 24 bas jylqyny urlaǵan. Kúdiktiler sot sanktsiiasymen qamaýǵa alyndy», - dedi oblystyq PD bastyǵynyń orynbasary Talǵat Shaiahmetov.
Qazirgi ýaqytta atalǵan faktiler boiynsha QR QK-niń 188-baby 2-bóligine (mal urlyǵy) sáikes sotqa deiingi tergeý amaldary júrgizilýde. Ustalǵandar 7 jylǵa deiin bas bostandyǵynan aiyrylýy múmkin.
