شىعىس قازاقستان وبلىسىندا 40-قا جۋىق جىلقى ۇرلاعان 4 ەر ادام ۇستالدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, وسىدان بٸرنەشە كٷن بۇرىن پوليتسييا قىزمەتكەرلەرٸ اباي اۋدانىندا ەركٸن جايىلىمنان 13 جىلقى ۇرلاعان 24 جاستاعى تۇرعىندى ۇستادى. وسىنىڭ سالدارىنان مال يەسٸنە كەلتٸرٸلگەن ماتەريالدىق زالال – 5 ملن تەڭگەنٸ قۇراعان.
«سونداي-اق تەرتٸپ ساقشىلارى 25 جەنە 40 جاس ارالىعىنداعى تاعى ٷش ەر ادامدى قۇرىقتادى. ولار ٶتكەن جىلدىڭ ماۋسىم-قاراشا ايلارىندا قاراۋسىز جايىلىپ جٷرگەن 24 باس جىلقىنى ۇرلاعان. كٷدٸكتٸلەر سوت سانكتسيياسىمەن قاماۋعا الىندى», - دەدٸ وبلىستىق پد باستىعىنىڭ ورىنباسارى تالعات شاياحمەتوۆ.
قازٸرگٸ ۋاقىتتا اتالعان فاكتٸلەر بويىنشا قر قك-نٸڭ 188-بابى 2-بٶلٸگٸنە (مال ۇرلىعى) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە. ۇستالعاندار 7 جىلعا دەيٸن باس بوستاندىعىنان ايىرىلۋى مٷمكٸن.
