Shyǵys Qazaqstan oblysy Altai aýdanynda 40 gektarǵa jaiylǵan dala órti oqshaýlandy, dep habarlaidy "Ult aqparat".
ShQO TJD baspasóz qyzmetiniń málimetine súiensek, órt búgin Gremýchii Lýg shatqalynda shyqqan. Oqiǵa ornyna departamenttiń jeke quramynan 26 adam, 4 tehnika jáne Altai orman sharýashylyǵynan 60 adam men 9 tehnika dereý kelip jetti.
«Qazaviaormanqorǵaý» AN-2 ushaǵymen órt oshaǵyn aralaǵan kezde ormanǵa qaýip tónip turmaǵandyǵy anyqtaldy. Jeldiń ekpini sekýndyna 10 metrdi quraǵan. Osynyń saldarynan órt 40 gektar aýmaqqa jaiylyp ketti. Aimaq basshysynyń ókimi boiynsha tilsiz jaýdyń odan ármen taralýyna jol bermeý úshin qosymsha ShQO ákimdiginiń «MI-8» tikushaǵy jetken», - dep habarlady vedomstvo ókilderi.
Qazirgi ýaqytta qyzyl jalyn oqshaýlandy. Oqiǵa ornynda qutqarýshylar jumys isteýde.
