Shyǵys Qazaqstan oblysynda 31 mln teńge qaryzy bar adam poiyzdan túsirilip, politsiiaǵa jetkizildi, dep habarlaidy QazAqparat.
Óskemen qalalyq PB Kóshi-qon qyzmeti bólimine sot oryndaýshysynan 31 mln teńgeden astam qaryzy bar azamattan bereshekti óndirip alý týraly qaýly tústi.
52 jastaǵy er adam jeke kásibin damytý úshin memleketten qarajat alyp, qaitarmaǵan. Jedel-izdestirý sharalary barysynda onyń Almatydan Óskemenge deiin bilet satyp alǵany anyqtaldy.
«13 qyrkúiekte boryshker Óskemendegi temirjol vokzalynda poiyzdan túsirilip, sot oryndaýshysyna aqparat berý úshin Politsiia basqarmasyna jetkizildi. Kóshi-qon qyzmeti jumysynyń negizgi baǵyttarynyń biri – atqarýshylyq is júrgizý boiynsha boryshkerlerdi izdestirý. Jyl basynan beri qaryzdy tólemegeni úshin sot oryndaýshylarynan jasyrynyp júrgen 150-den astam adam anyqtaldy», - dep habarlady ShQO Politsiia departamentiniń baspasóz qyzmeti.
