شىعىس قازاقستان وبلىسىندا 31 ملن تەڭگە قارىزى بار ادام پويىزدان تٷسٸرٸلٸپ, پوليتسيياعا جەتكٸزٸلدٸ, دەپ حابارلايدى قازاقپارات.
ٶسكەمەن قالالىق پب كٶشٸ-قون قىزمەتٸ بٶلٸمٸنە سوت ورىنداۋشىسىنان 31 ملن تەڭگەدەن استام قارىزى بار ازاماتتان بەرەشەكتٸ ٶندٸرٸپ الۋ تۋرالى قاۋلى تٷستٸ.
52 جاستاعى ەر ادام جەكە كەسٸبٸن دامىتۋ ٷشٸن مەملەكەتتەن قاراجات الىپ, قايتارماعان. جەدەل-ٸزدەستٸرۋ شارالارى بارىسىندا ونىڭ الماتىدان ٶسكەمەنگە دەيٸن بيلەت ساتىپ العانى انىقتالدى.
«13 قىركٷيەكتە بورىشكەر ٶسكەمەندەگٸ تەمٸرجول ۆوكزالىندا پويىزدان تٷسٸرٸلٸپ, سوت ورىنداۋشىسىنا اقپارات بەرۋ ٷشٸن پوليتسييا باسقارماسىنا جەتكٸزٸلدٸ. كٶشٸ-قون قىزمەتٸ جۇمىسىنىڭ نەگٸزگٸ باعىتتارىنىڭ بٸرٸ – اتقارۋشىلىق ٸس جٷرگٸزۋ بويىنشا بورىشكەرلەردٸ ٸزدەستٸرۋ. جىل باسىنان بەرٸ قارىزدى تٶلەمەگەنٸ ٷشٸن سوت ورىنداۋشىلارىنان جاسىرىنىپ جٷرگەن 150-دەن استام ادام انىقتالدى», - دەپ حابارلادى شقو پوليتسييا دەپارتامەنتٸنٸڭ باسپاسٶز قىزمەتٸ.
