Shyǵys Qazaqstan oblysynda KSRO-nyń qyzyl pasportymen turyp jatqan 100-den astam adam anyqtaldy, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, kóshi-qon qyzmetiniń saqshylary 1974 jylǵy KSRO pasportyn ýaqytynda aýystyrmaǵan turǵyndardy anyqtaý boiynsha birqatar sharalardy qolǵa alǵan.
Jeke bas qujattarynyń bolmaýyna bailanysty olar járdemaqy men zeinetaqy resimdei almaidy. Zańdy eńbek etýge de múmkindikteri joq.
«Jyl basynan beri KSRO-nyń qyzyl pasportymen júrgen 100-den astam adam anyqtaldy. Máselen, Abai aýdanynyń politsiia bólimine 52 jastaǵy Semei qalasynyń týmasy habarlasqan. Ol 1980 jyly Resei Federatsiiasynyń Novosibirsk qalasyna turaqty turý úshin shyǵyp ketip, sol jerde 1974 jylǵy KSRO pasportyn resimdegen. 1990 jyldyń basynda Qazaqstanǵa oralyp, kúieýge shyǵyp, bala-shaǵaly bolǵan», - delingen habarlamada.
Qazirgi ýaqytqa deiin áiel adam eski pasportpen turyp kelgen.
Kóshi-qon qyzmetiniń mamandary kórshi memleketten qajetti qujattarǵa suraý saldy. Kóp uzamai tiisti qujat kelip jetti.
Óz kezeginde áiel adam jeke bas qujatyn resimdeýge kómek kórsetken politseilerge alǵysyn jetkizdi.
Endi ol barlyq memlekettik qyzmetterdi basqa qazaqstandyqtarmen birdei paidalana alady.
