شىعىس قازاقستان وبلىسىندا كسرو-نىڭ قىزىل پاسپورتىمەن تۇرىپ جاتقان 100-دەن استام ادام انىقتالدى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, كٶشٸ-قون قىزمەتٸنٸڭ ساقشىلارى 1974 جىلعى كسرو پاسپورتىن ۋاقىتىندا اۋىستىرماعان تۇرعىنداردى انىقتاۋ بويىنشا بٸرقاتار شارالاردى قولعا العان.
جەكە باس قۇجاتتارىنىڭ بولماۋىنا بايلانىستى ولار جەردەماقى مەن زەينەتاقى رەسٸمدەي المايدى. زاڭدى ەڭبەك ەتۋگە دە مٷمكٸندٸكتەرٸ جوق.
«جىل باسىنان بەرٸ كسرو-نىڭ قىزىل پاسپورتىمەن جٷرگەن 100-دەن استام ادام انىقتالدى. مەسەلەن, اباي اۋدانىنىڭ پوليتسييا بٶلٸمٸنە 52 جاستاعى سەمەي قالاسىنىڭ تۋماسى حابارلاسقان. ول 1980 جىلى رەسەي فەدەراتسيياسىنىڭ نوۆوسيبيرسك قالاسىنا تۇراقتى تۇرۋ ٷشٸن شىعىپ كەتٸپ, سول جەردە 1974 جىلعى كسرو پاسپورتىن رەسٸمدەگەن. 1990 جىلدىڭ باسىندا قازاقستانعا ورالىپ, كٷيەۋگە شىعىپ, بالا-شاعالى بولعان», - دەلٸنگەن حابارلامادا.
قازٸرگٸ ۋاقىتقا دەيٸن ەيەل ادام ەسكٸ پاسپورتپەن تۇرىپ كەلگەن.
كٶشٸ-قون قىزمەتٸنٸڭ ماماندارى كٶرشٸ مەملەكەتتەن قاجەتتٸ قۇجاتتارعا سۇراۋ سالدى. كٶپ ۇزاماي تيٸستٸ قۇجات كەلٸپ جەتتٸ.
ٶز كەزەگٸندە ەيەل ادام جەكە باس قۇجاتىن رەسٸمدەۋگە كٶمەك كٶرسەتكەن پوليتسەيلەرگە العىسىن جەتكٸزدٸ.
ەندٸ ول بارلىق مەملەكەتتٸك قىزمەتتەردٸ باسقا قازاقستاندىقتارمەن بٸردەي پايدالانا الادى.
