Shyǵys Qazaqstan oblysynda 10 jyl boiy qos azamattyqpen júrgen reseilik anyqtaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary Borodýliha aýdanynda qos azamattyqpen júrgen 67 jastaǵy zeinetkerdi anyqtady. Ol 2012 jyly Resei Federatsiiasy Altai ólkesinde sol eldiń azamattyǵyn alǵanymen osy kúnge deiin Qazaqstandaǵy qujattaryn paidalanyp kelgen.
«Belgili bolǵandai, er adam 10 jylǵa jýyq ýaqyt kórshi eldiń azamaty bola tura QR azamatynyń jeke kýáligin notariýsqa kórsetip, óziniń jyljymaityn múligin satpaq bolǵan. Qazirgi ýaqytta quqyq buzýshy qazaqstandyq qujattardy paidalanǵany úshin QR ÁQBtK-niń 496-baby 1-bóligine sáikes 100 AEK mólsherinde aiyppul tóleýge mindetteldi», - dedi oblystyq PD Kóshi-qon qyzmeti basqarmasynyń bastyǵy Erbol Bekpaev.
Sondai-aq sheteldikten QR azamatynyń jeke kýáligi men pasporty tárkilendi.
