Shyǵys Qazaqstan oblysynyń Jarma aýdanyndaǵy Jańaózen aýylyna Zere ataýyn berý usynyldy, dep habarlaidy "Ult aqparat" altaynews.kz saityna silteme jasap.
Aqjal aýyldyq okrýgininiń ortalyǵy Jańaózen aýylynda turǵyndardyń qatysýymen jiyn ótti. Onda eldi meken ataýyn ózgertý máselesi qaraldy. Atap ótilgendei, Jańaózen aýylyna uly Abaidyń ájesi Zereniń esimin berý usynysy buǵan deiin jasalǵan.
Aýyl buryn Novorechensk atalǵan, keiinnen týra aýdarmasymen Jańaózen aýyly dep ózgertilgen.
«Ózennniń jańasy bolmaidy. Ózenniń Shar degen óz ataýy bar. Osyny eskere otyryp, aýyldyń ataýyn tegi Jarma óńirinen shyqqan, Óskenbai bidiń báibishesi, Qunanbai qajynyń anasy, Abaidyń ájesi, azan shaqyryp qoiǵan aty - Toqbala, keiinnen Zere atanǵan, M.Áýezovtyń «Abaidyń týysy men ómiri» atty maqalasy men «Abai joly» romanynda Alash ainasy atanǵan Zereniń atymen ataýǵa okrýg turǵyndary atynan usynys engizemin», - dedi aýyldyq okrýg ákimi Nurlybek Áliiasov.
Buǵan deiin de birneshe márte kóterilgen usynysty okrýg turǵyndary biraýyzdan qoldady. Kezekten tys ótken jiynnyń qorytyndysy boiynsha, Jańaózen aýylyn Zere ana esimine aýystyrý jóninde sheshim qabyldandy.
