Semei qalasynda Abai kúnine orai uly aqynnyń eskertkishine gúl shoqtary qoiyldy, dep habarlaidy "Ult aqparat".
Abai alańynda ótken sharaǵa Shyǵys Qazaqstan oblysynyń ákimi Danial Ahmetov qatysty. Aimaq basshysy jergilikti aqsaqaldarmen birge hakimniń eskertkishine gúl shoqtaryn qoidy. Sonymen qatar ol abattandyrý jumystary júrgizilgen alańdy aralap shyqty. Munda gúlzarlar qaita jańartylyp, shamdar aýystyrylǵan, ásemdik úshin eskertkishke túngi jaryqtandyrý ornatyldy. Budan bólek, eskertkish pen onyń tuǵyry jóndelip, balalar men sport alańdary salynǵan.
«Óńir boiynsha búginde birqatar merekelik sharalar josparlanyp otyr. Abai aýdanynyń turǵyndary oblystyń shyǵarmashylyq ujymdary uiymdastyrǵan «Abaiǵa taǵzym» kontserttik baǵdarlamasyn tamashalamaq. Jergilikti telearnalar Jidebaidaǵy Abai úi-mýzeiinen tikelei efir kórsetedi. Ár saǵat saiyn Qazaqstannyń ár aimaǵyndaǵy mádeniet jáne óner qairatkerleri uly aqynnyń óleńderin oqýda. Sonymen qatar Abai-Shákárim kesenesiniń ainalasynda onlain-ekskýrsiialar ótkizilýde», - delingen ShQO Aqparat ortalyǵynyń málimetinde.
