Óńir basshysy Danial Ahmetov Óskemendi qardan tazalaý boiynsha kommýnaldyq mekemelerdiń jumystaryn ózi úilestirip, qatań baqylaýda ustaýda, - dep habarlaidy "Ult aqparat".
Danial Ahmetov óziniń ókimimen oblystyq jol jóndeý kompaniialarynyń avtogreiderlerin, býldozerlerin, traktorlaryn, qar tiep, tasymaldaityn tehnikalaryn Óskemen qalasyn tazalaýǵa kiristirdi.
ShQO ákimi búgin tún ortasynda Óskemendi qardan tazartý boiynsha keńes ótkizdi. Oǵan qalalyq kommýnaldyq qyzmettermen qatar jol jóndeýmen ainalysatyn aimaqtyq kásiporyndardyń basshylary da qatysty.
Keńestiń qorytyndysy boiynsha óńir ákimi Danial Ahmetov oblystyq mańyzdaǵy jol kompaniialarynyń arnaiy tehnikalaryn Óskemendi qardan tazartý úshin tartý týraly ókimge qol qoidy.
Jalpy sany 40 birlikti quraityn avtogreiderler, býldozerler, traktorlar, qar tiep, tasymaldaityn tehnikalar oblys ortalyǵynyń shaǵynaýdandary boiynsha bólindi. ShQO ishki ister departamentine jol tehnikasynyń kedergisiz jumys isteýin qadaǵalaý tapsyryldy. Qosymsha jumyldyrylǵan kásiporyndardyń shyǵyndary oblystyq biýdjetten ótelmek.
