QR Premer-Ministri Asqar Maminniń tóraǵalyǵymen ótken Úkimet otyrysynda 2020 jylǵy 10 shildede ótken Úkimettiń keńeitilgen otyrysynda Memleket basshysynyń bergen tapsyrmalaryn iske asyrý sharalary qaraldy. Koronavirýs infektsiiasynyń taralýyna bailanysty eldegi jaǵdai týraly densaýlyq saqtaý ministri Aleksei Tsoi baiandady, dep habarlaidy "Ult aqparat" primeminister.kz saityna silteme jasap.
Ministr habarlaǵandai, Qazaqstanda 61 755 naýqas tirkelgen, onyń ishinde 25 448 adam em alýda, 35 911 emdelip shyqty, kóz jumǵandar sany - 396. COVID-19-ben syrqattanýǵa bailanysty jaǵdai táýligine 1700-1800 adam deńgeiinde turaqtaldy.
Jaǵdaidy turaqtandyrý úshin óńirlerde júrgizilip jatqan sharalardyń tiimdiliginiń 17 kórsetkishi boiynsha kún saiyn monitoring júrgiziledi. Qosymsha tańy 4 indikatordy qosý týraly sheshim qabyldandy, onyń 2 BAQ-pen jumys arqyly áleýmettik shiryǵýdy joiý jáne turǵyndardyń teris kózqarasy bar ákimdiktermen jumys isteýdi, sondai-aq turǵyndardyń shaǵymdaryn ýaqytyly qarastyrýdy qamtidy. Basqa 2 indikator dári-dármekterdiń bolýyna monitoring júrgizý boiynsha jumystar men meditsina uiymdarynyń ótinimderine Biryńǵai distribiýtordyń jumysyn kórsetetin bolady.
«Reitingke sáikes, 1-pozitsiiany 2 oblys - Soltústik Qazaqstan jáne Shyǵys Qazaqstan oblystary alyp otyr, bul óńirlerde 17 indikatordan 9 nysanaly indikatorǵa qol jetkizilgen. Reitingte ekinshi oryndy 5 oblys jáne Shymkent qalasy alady – 8 indikatorǵa qol jetkizildi, 3-orynda – 3 oblys jáne Almaty qalasy – 7 indkator boiynsha kórsetkishterge qol jetkizilgen. Reitingte sońǵy oryndy Atyraý oblysy alyp otyr, munda 17 indikatordyń 5-i oryndalǵan», — dedi A. Tsoi.
Qazirgi kezde Qazaqstanda 60 myńǵa jýyq koronavirýs infektsiiasymen aýyrǵandar tirkelgen, onyń ishinde 1700-den astamy - balalar. Karantin kezeńinde infektsiiany taratýda balalardyń róli tómendedi, sebebi, uiymdastyrylǵan ujymdar taratyldy.
Ministrdiń aitýynsha, mektepterde kúndiz oqytý balalardyń arasynda aýrýdyń órshýine jáne mektepten tys jerlerde infektsiianyń taralýyna, sondai-aq balalardyń qoǵamda infektsiiany taratýǵa tartylýyna ákelýi múmkin. Infektsiianyń taralýyna uiymdastyrylǵan ujymdar asa beiim, praktika kórsetip otyrǵandai, jyl saiyn JRVI jáne tumaýmen aýyrǵandardyń jalpy sanynan 14 jasqa deiingi balalardyń sany 70% deiin quraidy.
«Bilim mekemeleriniń oqýshylarynyń arasynda jiti respiratorlyq infektsiiamen aýyrýdyń maýsymdyq ósýin jáne koronavirýs infektsiiasynan epidemiologiialyq qolaisyz jaǵdaidy eskere otyryp, shaǵyn jinaqtalǵan mektepterdi qospaǵanda, oqý jylynyń birinshi toqsanynda orta bilim beoý uiymdarynyń barlyq synyptaryn qashyqtan oqytýdy qarastyrǵan jón dep sanaimyz», — dedi A. Tsoi.
COVID–19-ben kúresý boiynsha aqparattyq-túsindirý jumystarynyń tiimdiligini baǵalaýdy kórsetetin jańa kórsetkish boiynsha júrgizilip jatqan sharalardyń nátijesinde turǵyndardyń habardarlyǵy deńgeiin arttyrýy tiis is-sharalar iske asyrylýy kerek.
«Búginde COVID-19-ben kúresý jumystaryna 46 myńnan asa maman tartylǵan. Óńirlerde epidemiologtar, infektsionister, anesteziolog-reanimatologtar, pýlmonologtardyń jetispeýshiligi baiqalady. Ministrlik KVI-men kúresý aiasynda asa suranysqa ie túlekterdi: anesteziologtardy - 88 mamandy, infektsionisterdi - 26 mamandy, pýlmonologtardy - 7 mamandy bóldi», — dedi A. Tsoi.
Sonymen qatar, kadrlar tapshylyǵy máselesin sheshý úshin QR meditsinalyq JOO-lary 2084 maman men volonterdi tartty, olar epimediologiialyq sharalarǵa jumyldyryldy. Sondai-aq bul jumystarǵa stýdentter tartyldy. Koronavirýspen kúresý boiynsha is-sharalarǵa tikelei atsalysyp júrgen meditsina qyzmetkerlerine ústeme aqy tólenedi.
«Memleket basshysynyń Atyraý oblysynda jaǵdaidy turaqtandyrý jáne kadrlyq áleýetin nyǵaitýǵa qatysty tapsyrmasyna oryndaý úshin 13 shilde kún kelesi sharalar qabyldandy: kóliktegi bas sanitarlyq dárigerdiń jetekshiligimen Taýarlar men kórsetiletin qyzmetterdiń sapasyn jáne qaýipsizdigin baqylaý komitetiniń 5 mamany, Reseiden 6 maman jiberildi, Ospanov atyndaǵy Batys Qazaqstan meditsinalyq ýniversitetiniń klinikalyq kafedralarynyń 10 ǵalymy jáne 9 rezident-klinitsisti, 78 intern dáriger osy aptanyń ishinde jiberiledi. Qabyldanǵan sharalara Atyraý oblysynda densaýlyq salasyn 108 joǵary bilikti mamanmen nyǵaitýǵa múmkindik beredi. Mańǵystaý oblysyna 56 maman jiberiledi. Batys Qazaqstan, Almaty, Túrkistan oblystary men Shymkent qalasy úshin mamandar toby jasaqtaldy», — dedi densaýlyq saqtaý ministri.
A. Tsoi sonymen qatar personaldy emdeý jáne qorǵaýǵa jumsalatyn shyǵyndar men aýrýhanaǵa jatqyzý jaǵdailarynyń aýyrlaýyna bailanysty provizorlyq jáne infektsiialyq statsionarlarda meditsinalyq qyzmetterge tarifterdiń 2 ese óskenin atap aitty. Bul tarifter 2020 jyldyń 1 shildesinen bastap aýrýhanaǵa jatqyzylǵan barlyq jaǵdaida qoldanylady.
Bólshek saýda dárihanalaryn dári-dármektermen molyqtyrý úshin Resei Federatsiiasynan 2 áýe reisi jáne Úndistannan bir reis uiymdastyryldy. Otandyq óndiristi eskerýmen, búginde jalpy somasy 2 mlrd teńgeden astam somaǵa 3,5 mln orama dári-dármek jetkizildi. Óńirlerde dene qyzýyn túsiretin, antibakteriialyq dári-dármekterdiń bir ailyq qory jasaldy. Biyl 15-17 shilde aralyǵynda Úndistannan qosymsha eki reisti jáne Resei Federatsiiasynan bir reisti uiymdastyrý josparlanǵan.
«Dári-dármekter qory apta saiynǵy jetkizýlerdi uiymdastyrý esebinen tolyqtyrylyp otyrady. Otandyq óndirýshiler óndiris qýattaryn arttyryp jatyr. Biyl shilde aiynan bastap ai saiynǵy qamtý suranysqa ie dári-dármekterdiń 600 myńnan asa oramasyn qamtityn bolady. Dárilerdi tasymaldaýdy jeńildetý jáne naryqqa shyǵarý úshin ruqsat qujattaryn berý rásimderi bir táýlikke deiin jeńildetildi», — dedi vedomstvo basshysy.
Búgingi tańda infektsiialyq jáne provizorlyq statsionarlarda 966 ÓJJ statsionarlyq apparaty bar, reanimatsiialyq tósek-oryndar sany - 1 553. Degenmen, turǵyndardyń COVID-19-ben syrqattanýynyń artýy jónindegi Ulttyq qoǵamdyq densaýlyq saqtaý ortalyǵynyń boljamyn eskerýmen, jalpy elimiz boiynsha 6 365 jýyq reanimatsiialyq tósek-oryn qajet, olardy jabdyqtaý úshin qosymsha 4 093 ÓJJ statsionarlyq apparatyn satyp alý qajet, bul densaýlyq saqtaý uiymdarynyń ahýal nasharlaǵan jaǵdaiǵa ázirligin qamtamasyz etedi.
«Bul qajettilikti (4 093 birlik) bylai óteý usynylady: Dúniejúzilik banktiń zaimynyń bosatylǵan qarajaty esebinen 5,5 mlrd teńge somasyna 460 birlik, óńirlerdiń ákimdikteriniń jergilikti biýdjetteriniń rezervteri men qarajaty aiasynda 4,9 mlrd teńge somasyna 409 birlik ÓJJ apparatyn alý, bul qosymsha qajettiliktiń keminde 10% qamtidy, otandyq óndiristiń jergiliktendirilýi men iske qosylýyn eskerýmen Úkimet rezervinen 38,7 mlrd teńge somasyna 3 myńnan asa birligin otandyq óndirýshilerden satyp alý usynylady», — dedi A. Tsoi.
Ministr naqtylaǵandai, Indýstriia jáne infraqurylymdyq damý ministrliginiń málimetteri boiynsha tamyz aiynan bastap ÓJJ apparattaryn ónerkásiptik óndirý jolǵa qoiylady, 595 birlik kólemindegi alǵashqy partiiasy densaýlyq saqtaý uiymdaryna jóneltiledi.
Sonymen qatar, boljamdy eskerýmen 8 487 tósek-oryn nemese jasaqtalatyn tósek-oryn qorynyń jalpy sanynan keminde 20%-y oksigenoterapiia (meditsinalyq gazdardy, ottegi kontsentratorlaryn t.b. jetkizý) arqyly qamtamasyz etilýi tiis. Barlyq óńirlerde ottegini, sondai-aq ottegi kontsentratorlaryn jergilikti óndirýshiler jáne jetkizýshiler bar.
Memleket basshysynyń tapsyrmasy boiynsha ministrliktiń indet kezinde qazaqstandyqtardyń ómiri men densaýlyǵyn qorǵaý boiynsha Ulttyq jospar jobasyn ázirlegenin atap ótken jón, onda is-sharalardyń ortalyq jáne jergilieti deńgeilerde bekitilýi qarastyrylǵan. Qazirgi kezde osy jobany kelisý rásimi aiaqtalýda.
