2018 jyldyń 1 shildesinen bastap bazalyq zeinetaqyny taǵaiyndaý ádistemesi ózgeredi. Bul týraly búgin Úkimet otyrysynda QR Eńbek jáne halyqty áleýmettik qorǵaý ministri Tamara Dúisenova málim etti, dep habarlaidy Ult.kz tilshisi QazAqparat agenttigine silteme jasap.
«Elbasynyń bergen tapsyrmasyna sáikes, 2017-2018 jyldary respýblikalyq biýdjetten tólenetin zeinetaqy mólsheri kezeń-kezeńmen artatyn bolady. Sonymen birge biyldan bastap balalarǵa beriletin járdemaqy da óskeli otyr. Osyǵan orai nazarlaryńyzǵa usynylyp otyrǵan zań jobasynda birqatar ózgerister engizý kózdelýde. Bul rette, 2017 jylǵy 1 shildeden bastap yntymaqty zeinetaqy mólsheri jyldyń basynda artqan 9 paiyzdy eskergende, qosymsha 11 paiyzǵa, al bazalyq zeinetaqy mólsheri jyldyń basynda artqan 7 paiyzdy eskergende, qosymsha 13 paiyzǵa ulǵaitylmaq. Nátijesinde, 2016 jylmen salystyrǵanda, zeinetaqy kólemin 2017 jylǵy 1 shildeden bastap 20 paiyzǵa deiin arttyrýdy qamtamasyz etemiz. Osy oraida 2 millionnan astam adam qamtylady»,-dep atap ótti Dúisenova.
Onyń sózine qaraǵanda, bul baǵytta ortasha zeinetaqy mólsheri 2017 jylǵy 1 qańtardan 60 167 teńge bolsa, al 1 shildeden 67 myń 41 teńgeni quraidy, iaǵni 7 myń teńgege ósedi.
Budan bólek ministr 2018 jyldyń 1 shildesinen bastap bazalyq zeinetaqyny taǵaiyndaý ádistemesi ózgeretinin jetkizdi. Jańa tásilge sai, ol zeinetaqy júiesine qatysý ótiline bailanysty taǵaiyndalady. Aldaǵy jyldyń shildesinen zeinetaqynyń ortasha mólsheri (bazalyq zeinetaqyny eseptegende) 2016 jylǵa qaraǵanda 45%-ǵa ósedi dep kútilýde.
.jpeg)