Shilde aiynda astanalyqtardyń koronavirýspen aýrýshańdyǵy 2,4 ese ósti. Bul týraly Nur-Sultan qalasynyń bas sanitarlyq dárigeri Sarhat Beisenova Ortalyq kommýnikatsiialar qyzmetinde ótip jatqan brifingide aitty, dep habarlaidy QazAqparat.
«Elordada koronavirýs infektsiiasynyń taralýyna bailanysty jaǵdai qolaisyz bolyp tur. Anyqtalǵan jaǵdailar men aýrýhanaǵa jatqyzý sany áli de joǵary. Aldyńǵy aptadaǵy syrqattaný kórsetkishi – 885,3. Anyqtalǵan jaǵdai sany – 10 521. Al sońǵy aptadaǵy kórsetkish – 875,8. Anyqtalǵan naýqastar sany – 10 408. 10 myń turǵynǵa shaqqanda tósek-orynnyń júktelim kórsetkishi 200-den joǵary boldy. Keshegi kúnnen bastap infektsiialyq statsionarlardyń júktelimi 69 paiyzǵa jetti jáne elorda epidemiologiialyq jaǵdaidy baǵalaý matritsasy boiynsha «qoiý qyzyl» aimaqtan «qyzyl» aimaqqa aýysty. Bul aimaqta elorda 13 kún boldy», - dedi qalanyń bas sanitar dárigeri.
Onyń málimetinshe, shilde aiynda aýrýshańdyq deńgeii mamyr aiyndaǵy kórsetkishten 2,4 ese, maýsym aiyndaǵydan 2,3 ese ósken.
«Shildede pandemiia bastalǵannan beri 100 myń turǵynǵa shaqqandaǵy eń joǵary aptalyq kórsetkish tirkelip, 915,9-ǵa jetti. Jaǵdailardyń ortasha táýliktik tirkelýi maýsym aiyndaǵy 388-den shilde aiynda 1200-ge deiin ósti. Sońǵy 19 kúnde táýligine 1,5 myńnan astam jaǵdai tirkeldi. Burynǵydai syrqattanýdyń eń joǵary deńgeii 30-39 jas aralyǵyndaǵy eresekter arasynda», - dedi Sarhat Beisenova.
