شٸلدە ايىندا استانالىقتاردىڭ كوروناۆيرۋسپەن اۋرۋشاڭدىعى 2,4 ەسە ٶستٸ. بۇل تۋرالى نۇر-سۇلتان قالاسىنىڭ باس سانيتارلىق دەرٸگەرٸ سارحات بەيسەنوۆا ورتالىق كوممۋنيكاتسييالار قىزمەتٸندە ٶتٸپ جاتقان بريفينگٸدە ايتتى, دەپ حابارلايدى قازاقپارات.
«ەلوردادا كوروناۆيرۋس ينفەكتسيياسىنىڭ تارالۋىنا بايلانىستى جاعداي قولايسىز بولىپ تۇر. انىقتالعان جاعدايلار مەن اۋرۋحاناعا جاتقىزۋ سانى ەلٸ دە جوعارى. الدىڭعى اپتاداعى سىرقاتتانۋ كٶرسەتكٸشٸ – 885,3. انىقتالعان جاعداي سانى – 10 521. ال سوڭعى اپتاداعى كٶرسەتكٸش – 875,8. انىقتالعان ناۋقاستار سانى – 10 408. 10 مىڭ تۇرعىنعا شاققاندا تٶسەك-ورىننىڭ جٷكتەلٸم كٶرسەتكٸشٸ 200-دەن جوعارى بولدى. كەشەگٸ كٷننەن باستاپ ينفەكتسييالىق ستاتسيونارلاردىڭ جٷكتەلٸمٸ 69 پايىزعا جەتتٸ جەنە ەلوردا ەپيدەميولوگييالىق جاعدايدى باعالاۋ ماتريتساسى بويىنشا «قويۋ قىزىل» ايماقتان «قىزىل» ايماققا اۋىستى. بۇل ايماقتا ەلوردا 13 كٷن بولدى», - دەدٸ قالانىڭ باس سانيتار دەرٸگەرٸ.
ونىڭ مەلٸمەتٸنشە, شٸلدە ايىندا اۋرۋشاڭدىق دەڭگەيٸ مامىر ايىنداعى كٶرسەتكٸشتەن 2,4 ەسە, ماۋسىم ايىنداعىدان 2,3 ەسە ٶسكەن.
«شٸلدەدە پاندەمييا باستالعاننان بەرٸ 100 مىڭ تۇرعىنعا شاققانداعى ەڭ جوعارى اپتالىق كٶرسەتكٸش تٸركەلٸپ, 915,9-عا جەتتٸ. جاعدايلاردىڭ ورتاشا تەۋلٸكتٸك تٸركەلۋٸ ماۋسىم ايىنداعى 388-دەن شٸلدە ايىندا 1200-گە دەيٸن ٶستٸ. سوڭعى 19 كٷندە تەۋلٸگٸنە 1,5 مىڭنان استام جاعداي تٸركەلدٸ. بۇرىنعىداي سىرقاتتانۋدىڭ ەڭ جوعارى دەڭگەيٸ 30-39 جاس ارالىعىنداعى ەرەسەكتەر اراسىندا», - دەدٸ سارحات بەيسەنوۆا.
