QR Ulttyq bankiniń tóraǵasy Erbolat Dosaev eksportty ártaraptandyrý men importtyń ornyn otandyq taýarǵa aýystyrý máselesin sóz etti, dep habarlaidy "Ult aqparat".
«Valiýtalyq naryqtyń balansynyń saqtalýy úshin eksportty ártaraptandyrýdyń mańyzy óte joǵary. Importtan keletin taýardardyń ornyn otandyq óndirispen tolyqtyrý kerek. Biyl 9 aida tólem balansynyń aǵymdaǵy shotynyń tapshylyǵy 4,7 mlrd dollarǵa jetken. Iaǵni, import 12,2%-ǵa ósken. Bul eń aldymen TShO, Qashaǵan, «Sary-Arqa» gaz qubyry, Almaty Úlken ainalma joly, «Hiýndai» avtozaýyty siiaqty iri investitsiialyq jobalardy júzege asyrý úshin qajetti qural jabdyqty satyp alýmen bailanysty boldy. Bizdiń taldaý boiynsha, el ekonomikasynda importtyń ornyn basýda ári shikizattyq emes eksportty ósirýde úlken áleýet bar», - dedi Erbolat Dosaev Almatyda ótken «Qazaqstan qarjylyq naryǵy men naqty ekonomikalyq sektory» konferentsiiasynda.
Onyń aitýynsha, ekinshi deńgeili bankterdiń ekonomikanyń naqty sektoryn nesieleý kórsetkishin ulǵaitý Ulttyq banktiń basty mindetteriniń biri bolyp qala bermek.
