قر ۇلتتىق بانكٸنٸڭ تٶراعاسى ەربولات دوساەۆ ەكسپورتتى ەرتاراپتاندىرۋ مەن يمپورتتىڭ ورنىن وتاندىق تاۋارعا اۋىستىرۋ مەسەلەسٸن سٶز ەتتٸ, دەپ حابارلايدى "ۇلت اقپارات".
«ۆاليۋتالىق نارىقتىڭ بالانسىنىڭ ساقتالۋى ٷشٸن ەكسپورتتى ەرتاراپتاندىرۋدىڭ ماڭىزى ٶتە جوعارى. يمپورتتان كەلەتٸن تاۋارداردىڭ ورنىن وتاندىق ٶندٸرٸسپەن تولىقتىرۋ كەرەك. بيىل 9 ايدا تٶلەم بالانسىنىڭ اعىمداعى شوتىنىڭ تاپشىلىعى 4,7 ملرد دوللارعا جەتكەن. ياعني, يمپورت 12,2%-عا ٶسكەن. بۇل ەڭ الدىمەن تشو, قاشاعان, «سارى-ارقا» گاز قۇبىرى, الماتى ٷلكەن اينالما جولى, «حيۋنداي» اۆتوزاۋىتى سيياقتى ٸرٸ ينۆەستيتسييالىق جوبالاردى جٷزەگە اسىرۋ ٷشٸن قاجەتتٸ قۇرال جابدىقتى ساتىپ الۋمەن بايلانىستى بولدى. بٸزدٸڭ تالداۋ بويىنشا, ەل ەكونوميكاسىندا يمپورتتىڭ ورنىن باسۋدا ەرٸ شيكٸزاتتىق ەمەس ەكسپورتتى ٶسٸرۋدە ٷلكەن ەلەۋەت بار», - دەدٸ ەربولات دوساەۆ الماتىدا ٶتكەن «قازاقستان قارجىلىق نارىعى مەن ناقتى ەكونوميكالىق سەكتورى» كونفەرەنتسيياسىندا.
ونىڭ ايتۋىنشا, ەكٸنشٸ دەڭگەيلٸ بانكتەردٸڭ ەكونوميكانىڭ ناقتى سەكتورىن نەسيەلەۋ كٶرسەتكٸشٸن ۇلعايتۋ ۇلتتىق بانكتٸڭ باستى مٸندەتتەرٸنٸڭ بٸرٸ بولىپ قالا بەرمەك.
