Búgin Úkimet otyrysynda QR Indýstriia jáne infraqurylymdyq damý ministri Beibit Atamqulov 2025 jyly jańa jobalar qandai nátije beretinin aitty, dep habarlaidy QazAqparat.
«Jalpy alǵanda, 2025 jyly jańa jobalardy iske asyrý jáne jańadan sharalar qabyldaý arqyly: óńdeý ónerkásibiniń jyldyq kólemi 19,7 trln teńgege, óńdeý ónerkásibinde negizgi kapitalǵa salynatyn investitsiia 3,5 trln teńgege, shikizat emes taýarlar eksporty 21,8 mlrd AQSh dollaryna jetkiziledi», - dedi B. Atamqulov.
Onyń aitýynsha, tehnologiialyq jaǵynan kúrdeli taýarlar óndirisin jáne eksportty arttyrý esebinen Qazaqstan ekonomikalyq kúrdeliliktiń álemdik indeksinde 69 orynǵa kóteriledi.
