Shýchinskide er adam eki balanyń anasyn ajal qushtyrdy, dep habarlaidy ult.kz.
Sputnik.kz málimetinshe, 36 jastaǵy Ásem Shabelskaiany tanysy aiaýsyz uryp óltirgen.
«Sińilimniń kúieýi 2022 jyly qaitys bolǵan, ózi ata-enesimen turady. Asyraýynda eki balasy bar. Osydan eki jyl buryn bir er adammen tanysyp, kóńil jarastyrǵan. Sińilim shipajaidaǵy dúkende jumys istegen, al óltirdi degen kúdikti sol jerde IT mamany», - deidi marqumnyń týǵan ápkesi.
Ásemniń 6-8 jastaǵy eki balasy qaldy. Al óltirdi dep kúdikke ilingen er adamnyń jasy 34-te.
«Er adam Ásemdi ólimshi etip urǵan. Izin jasyrý úshin páterdi jaqsylap tazalap, sodan keiin ǵana aýrýhanaǵa aparǵan. Ol kezde Ásemniń júregi soǵyp turǵan. Biraq kúdikti basyn uryp aldy dep aitqan, urǵanyn jasyrmaǵanda dárigerler sińilimdi quqaryp qalar ma edi», - deidi ápkesi.
