Mańǵystaý oblysynyń ákimi Eraly Luqpanuly Toǵjanovqa
Qurmetti Eraly Luqpanuly!
Ólkemizdegi 90 jyl tarihy bar, Mańǵystaý aýdanynda otyz segiz myńdai adam turady. Aýdan ortalyǵy janyndaǵy tas karerleri ekologiia talaptaryn oryndaý jumystary jóninde atqarǵan sharalary týraly turǵyndar aldynda esep berý, ózderine bekitilgen mindettemelerdi tolyq oryndap otyrǵan joq.
Shetpe aýylyndaǵy 25-qiyrshyq tas karerlerinen tasymaldanatyn sheben jańadan salynǵan Shetpe-Jetibai jolymen kúnimen tasymaldanýda. Mine, osy aýyr júk kólikteriniń júk tasymaldaýy, asyryp toltyrylǵan kólikterden tiegen sheben, artynan erip júrseń ushyp, tógilip apattyq jaǵdai týǵyzýda. Júktiń mólsherden tys tielýi, kózge belgili. Endi osy máselede oryndy suraq týyndaidy, kólik politsiiasy ólsheý quralymen, Shetpe aýylynan shyǵatyn aýyr júk kóligin tekserýge nege qaýharsyz?
Shetpe aýyly aýmaǵyndaǵy qiyrshyq tas karerlerine jáne qiyrshyq tas ónimin oblys boiynsha tasymaldaýshy kólikterdiń jol qaýipsizdigin saqtaýy úshin, arnaiy reid júrgizilýi kerek. Shetpeden shyǵa beriste, arnaiy júk kólik tarazysyn ornatyp jańadan salynǵan asfaltti buzbaýy úshin sharalar alynsa. Karer óndiris oryndaryndaǵy shań sorý, sý sebý, kógaldandyrý jumystary uiymdastyrylýy qajet. Shetpeniń shetinen shebin óndirip, tas ýatyp, milliardtap tabys taýyp jatqan karerlerdiń ekologiialyq talaptardy oryndamai, aýyl turǵyndarynyń densaýlyǵyna orasan ziianyń tigizip otyrǵany jóninde birneshe ret jinalystar ótti, áleýmettik jelide belsendilermen, BAQ betterinde jazylyp ta júr. Karerlerdiń aýylǵa jaqyn ornalasqany jáne olar shebin óndirý barysynda sý paidalanbai, Shetpe aýmaǵyn shańǵa kómip otyrǵandarymen qoimai, shebin tiegen júk kólikteri aýyl ishimen júrip shańdy kóterip, ózi jańbyrsyz ólkeniń, aýyl shetinde jaiylymdyq jerlerdiń azaiyp bara jatqany da ózekti másele.
Jumyssyzdyq máselesi de - Shetpede eń úlken máseleniń biri. Óz bailyǵynyń qyzyǵyn kórmegeni óz aldyna, eń azy sol ken oryndaryna jumysqa ornalasa almaýy, karerlerdiń 25-mekemesi aýyl turǵyndaryn jumyspen qamtýǵa da atsalyspai, negizinen gastarbaiterlerdi jumysqa alýyn qalai túsinýge bolady? Tek qana Jańaózendik «Temirtas-1» JShS jiyrmaǵa jýyǵy osy aýyldyń turǵyndaryn alǵan. Shebin , qiyrshyq tas óndirý munai óndirýdei emes, Qara taýdyń kez-kelgen eteginen bastaýǵa bolatyn óndiris. Qiyryshyq tas alynǵan oryndar oryn qazan shuńqyrlarǵa ainalyp, eshkim teksermegen soń jabaiy óndiris biznesine ainalǵan. Bir jyldary, meniń týǵan jerim Eski Shetpeni shańǵa buqtyrǵan «MKDSM»AQ halyqtyń tilegin eskerip, karerin aýyldan ári qarai kóshirgen bolatyn. Nege sol karer kóshirýdi «Jańa orpa» aýylyna qoldanbaidy? Karerlerdiń ýly shańy tirshilik iesine, jerdegi ósimdik, jan-janýarlar men adam aǵzasyna ziian ekendigi belgili, shań saldarynan turǵyndar túrli tynys joldary aýrýlary men basqa da ishki aǵza aýrýlaryna ushyraýda...
Qurmetti Eraly Luqpanuly, ózińiz aitqandai «Mańǵystaýdyń bailyǵy-munai emes, basty bailyǵy - Halqy» degen sózińizdi qoldaimyn, al Shetpeniń ýly shań jutqan halqynyń jaǵdaiy osylai jalǵasa berse, bolashaqta qalai bolmaq?
Atalǵan másele boiynsha, Jumyspen qamtýdy úilestirý jáne áleýmettik baǵdarlamalar basqarmasy, Mańǵystaý oblysynyń jolaýshylar kóligi jáne avtomobil joldary basqarmasy, Mańǵystaý oblysynyń tabiǵi resýrstar jáne tabiǵat paidalanýdy retteý basqarmasy, Mańǵystaý oblysynyń densaýlyq saqtaý basqarmasy, Mańǵystaý oblysynyń kásipkerlik jáne saýda basqarmasy, Mańǵystaý oblystyq ishki saiasat basqarmasy, Mańǵystaý oblysynyń jerdiń paidalanylýy men qorǵalýyn baqylaý basqarmasy, Mańǵystaý oblysy boiynsha Memlekettik kirister departamenti, Mańǵystaý oblysynyń ishki ister departamenti, QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Mańǵystaý oblysy boiynsha departamentinen Arnaiy jumys tobyn quryp, karerlerdiń tehnikalyq-ekonomikalyq, ekologiialyq, salyq, migratsiialyq, áleýmettik, tasymaldaý jaǵdaiyn tolyqtai tekserip, zań buzýshylyqtardyń jolyn kesip, Shetpeniń turǵyndarynyń janaiqaiyn eskerip, ózińiz oń sheshim shyǵarady dep senemin.
1998-2000 jyldary 3,
2005-2008 jyldary 4,
2010-2014 jyldary 13,
2015-2016 jyldary 5 karerge ósken, barlyǵy - 25.
Atalǵan másele jóninde jaýap kútemiz.
Qurmetpen,
Kiikbai Jaqypuly
