Foto: Ashyq derekkóz
Shetelde júrgen LRT-nyń burynǵy basshysy Talǵat Ardan ózine qatysty sot úkimimen kelispei, appeliatsiialyq shaǵym túsirdi, dep habarlaidy Ult.kz.
Buǵan deiin Talǵat Ardan aýyr saldarǵa alyp kelgen qyzmettik ókilettikterin teris paidalanǵany úshin syrttai kináli dep tanylyp, 7 jylǵa bas bostandyǵynan aiyrylǵan bolatyn. Sot materialdaryna sáikes, ol "Astana LRT" JShS basqarma tóraǵasy qyzmetin atqarǵanda LRT qurylysyn iske asyrý jumystaryn buzǵan.
Sonyń saldarynan Qytaidyń memlekettik damý bankinen alynǵan 257,6 mln AQSh dollary qaitarylǵan joq. Osylaisha, 2016 jylǵy valiýtalardyń resmi baǵamyna boiynsha 85,9 mlrd. teńge maqsatsyz jumsalǵan. Talǵat Ardan sot úkimimen kelispei, óziniń advokaty arqyly apelliatsiialyq shaǵym túsirip, ózin aqtaýdy surady.
"Astana qalalyq sotynyń qylmystyq ister jónindegi sot alqasynyń 2024 jylǵy 25 jeltoqsandaǵy qaýlysymen sot úkimi ózgerissiz, apelliatsiialyq shaǵym qanaǵattandyrýsyz qaldyryldy, óitkeni sottalǵannyń kinási jábirlenýshi ókiliniń, kýágerlerdiń aiǵaqtarymen, saraptamalardyń qorytyndylarymen jáne basqa da materialdarmen dáleldendi", - delingen resmi habarlamada.
Aita keteri, tergeý sharalary kezinde Talǵat Ardan Túrkiiada jasyrynyp júr degen aqparat boldy.
Antikor ony shaqyrý týraly habarlamany buqaralyq aqparat quraldarynda jariialady.
