Shetelde júrip koronavirýs juqtyrǵan reseilikterdiń 90% jýyǵy - Túrkiiadaǵy demalystan oralǵandar, dep habarlady dúisenbi kúni Rospotrebnadzor basshysy Anna Popova RF úkimeti janyndaǵy Koronavirýsqa qarsy kúres jónindegi úilestirý keńesiniń otyrysynda. Bul týraly TASS agenttigi habarlady.
«1 tamyzda Túrkiiamen shekara ashylǵannan keiin elge 1,5 mln-ǵa jýyq adam oraldy. Bizdiń ortaq monitoringte virýsqa shaldyqqandardyń 10 myńnan kóbi, iaǵni 90% Túrik Respýblikasynan kelgen adamdar. Sol sebepti muny talqylap, qajetti shara qoldaný kerek», - dedi Popova.
Buǵan deiin Reseidiń koronavirýsqa qarsy kúres jónindegi jedel shtaby pandemiiaǵa bailanysty shekarany qaita jabýdy usynbaitynyn habarlady.
Resei áýe qatynasyn alǵashqy bolyp úsh memleketpen jandandyrǵan bolatyn. Olardyń qatarynda Túrkiia bar. 2020 jyldyń 1 tamyzynan Ulybritaniia jáne Tanzaniiamen halyqaralyq áýe bailanysy qalypqa keltirilgen bolatyn
