Shetelge demalýǵa shyǵatyn qazaqstandyqtardy qorǵaý sharalary kúsheitilmek. Bul sharalar QR keibir zańnamalyq aktilerine týristik qyzmet máseleleri boiynsha ózgerister men tolyqtyrýlar engizý týraly zań jobasynda qamtylyp otyr, dep habarlaidy QazAqparat.
«Shyǵý týrizminde týristerdi qorǵaý deńgeiin arttyrý boiynsha sharalar keshenin qabyldaý usynylady. Týroperatorlar uiymdastyrǵan shyǵý týrizmi sheńberinde Qazaqstan Respýblikasynyń azamattaryna týristik kod berý tetigin engizý, sondai-aq kepildik berý somalaryn jinaý jáne qaitarý tártibin reglament tártibin engizý josparlanýda», - dedi Mádeniet jáne sport ministri Aqtoty Raiymqulova májilismender aldynda zań jobasyn qorǵai otyryp.
Ministr sonymen qatar zań jobasynyń kómegimen oljalyq ań aýlaýdy damytý, fermerlik ańshylyq sharýashylyǵynyń kásipkerligin qoldaý sharalary josparlanǵanyn málim etti.
«Álemdik tájiribe kári janýarlardy joiýdyń ǵylymi negizdelgen limiti popýliatsiiaǵa depressiialyq áser etpeitinin, al kei jaǵdailarda onyń ónimdiligin arttyratynyn dáleldedi. Qazaqstanda kóptegen sirek kezdesetin túrler popýliatsiiasynyń qazirgi jaǵdaiy turaqtalǵanyn aita ketýge bolady», - dedi ol.
