Qazaqstanda sheteldikterge jer satylmaidy jáne ýaqytsha qoldanysqa da berilmeidi. Bul týraly QR Aýyl sharýashylyǵy ministri Saparhan Omarov málimdedi, dep habarlaidy QazAqparat.
QR Ortalyq kommýnikatsiialar qyzmetinde ótken baspasóz máslihatynda ministrge «Sheteldikterge jer satyla ma?» degen suraq qoiyldy.
«Shynynda da, sońǵy ýaqytta internette sheteldikterge jerdiń satylýy týraly qaýeset tarady. Birden aitqym keledi, qazirgi ýaqytta sheteldikterdiń jeke menshigine jer satylmaidy. Ýaqytsha qoldanysqa da berilmeidi. Aldaǵy ýaqytta da sheteldikterge jer berilmeidi», - dep jaýap berdi S. Omarov.
