Ulttyq qaýipsizdik komiteti arnaiy operatsiia týraly málimdedi, - dep habarlaidy "Ult aqparat" vedomstvonyń baspasóz qyzmetine silteme jasap.
"Memleket basshysynyń tapsyrmasy aiasynda Ulttyq qaýipsizdik komiteti uiymdasqan qylmystyń elimizdegi áleýmettik-ekonomikalyq jaǵdaiǵa áserin tómendetý boiynsha jumysty jalǵastyryp jatyr.
11 qazanda birneshe kezeńnen turatyn jedel jumystardyń nátijesinde Almaty, Aqtaý, Mańǵystaý oblysynyń Beineý jáne Aqjigit kentinde bir ýaqytta UQK "A" arnaiy maqsattaǵy qyzmetin jumyldyra otyryp, qoǵamǵa qaýipti "Beineýlikter" qylmystyq tobynyń zańǵa qaishy áreketiniń jolyn kesý boiynsha arnaiy operatsiia iske asyryldy" - delingen habarlamada.
Top músheleri "Tájen" ótkizý pýnktinde (Qazaqstan men Ózbekstan arasyndaǵy Memlekettik shekara) sheteldikter men jeke tasymaldaýshylardan júieli túrde aqsha bopsalady jáne ózge de aýyr qylmystarǵa qatysy bar degen kúdikke ilingen.
Arnaiy operatsiia barysynda qylmystyq top basshysy men 5 belsendi múshesi ustaldy. Olarǵa qatysty qamaýda ustaý bultartpaý sharasy bekitildi.
