Tótenshe jaǵdai rejimi kezinde Qazaqstan aýmaǵynda ýaqytsha bolǵan jáne belgilengen merzimde elden shyǵa almaǵan sheteldikter úshin Ákimshilik quqyq buzýshylyq týraly kodekste qarastyrylǵan sanktsiialar qoldanylmaidy, dep habarlaidy "Ult aqparat".
Almaty qalalyq PD habarlaýynsha, eldegi sheteldikter 2020 jyldyń 10 shildesine deiin qosymsha qujattardy toltyrmai-aq Qazaqstannan shyǵa alady. Sottyń shyǵaryp jiberý týraly sheshimderi bar adamdar 2020 jyldyń 10 shildesine deiin ketýge mindetti. Al Qazaqstan Respýblikasynda qalǵysy keletin sheteldikter merzimi ótip ketken qujattardy aýystyrýǵa, sondai-aq olardyń zańdy mártebesin retteýge quqyǵy bar.
Qabyldaýshy taraptyń ótinishi boiynsha jáne osy jyldyń 1 aqpanyna deiin kelgen sheteldikter úshin negizdermen Qazaqstan Respýblikasynda ýaqytsha turýǵa arnalǵan ruqsat toltyrylady:
- Jergilikti atqarýshy organ bergen jumys ruqsatymen jumys isteýge;
- EAES azamattary úshin (Armeniia, Belarýs, Qyrǵyz Respýblikasy jáne Resei Federatsiiasy) - qyzmet kórsetýge arnalǵan eńbek sharty nemese azamattyq-quqyqtyq kelisim-shart.
Otbasymen qaýyshý úshin - otbasylyq bailanystardy rastaityn qujattar:
– keminde 3 jyl úilengen jubaiy (zaiyby);
– 18 jasqa tolmaǵan, asyrap alynǵan, úilenbegen jáne sheteldikterdiń asyraýyndaǵy jáne (nemese) qamqorlyǵynda turǵan balalar;
– densaýlyǵyna bailanysty 18 jastan asqan, úilenbegen, ózderin qamtamasyz ete almaityn balalar;
– sheteldikke táýeldi múgedek ata-analar;
–asyraý mindettelgen basqa da otbasy músheleri.
«Sondai-aq, qabyldaýshy taraptyń ótinishi boiynsha sheteldikter emdelýge, oqýǵa, iskerlik jáne missionerlik jumysqa turýǵa ruqsat ala alady. Vizanyń negizinde kelgen nemese vizasynyń merzimi ótken sheteldikter shaqyrýshy taraptyń ótinishi boiynsha jáne sebepter bolǵan jaǵdaida (jumysqa ruqsat, ýákiletti organnyń jazbasha rastaýy, qyzmet kórsetýge kelisim-shart jáne vizany uzartýǵa negiz bolatyn basqa da qujattar) uzartylady. Qaǵidalardyń 17-tarmaǵynda kórsetilgen memleketterdiń azamattary Qazaqstan Respýblikasyna kelý jáne bolý, sondai-aq olardyń Qazaqstan Respýblikasynan ketýi, qabyldaýshy taraptyń ótinishi boiynsha Qazaqstan Respýblikasyna 2020 jyldyń 1 aqpanyna deiin kelgen jáne sebepteri bolsa, Qazaqstan Respýblikasynan shyqpai-aq tiisti viza alýǵa quqyly»,– dep atap ótti Almaty qalalyq PD kóshi-qon qyzmeti basqarmasynyń bastyǵy Ashat Býtýnchinov.
Sonymen qatar, eńbek migranttary patentterge Qazaqstan Respýblikasynan tys jerlerge shyqpai-aq jáne tiisti ótinishterdi berý merzimin buzǵany úshin ákimshilik jaýapkershilikke tartylmai ótinish bere alady.
Ótpeli kezeń aiaqtalǵannan keiin, 2020 jyldyń 11 shildesinde, Qazaqstan Respýblikasyndaǵy quqyqtyq mártebesin ornatpaǵan sheteldikterge, Qazaqstan Respýblikasynyń Ákimshilik quqyq buzýshylyq týraly kodeksine sáikes ákimshilik sharalar qoldanylady.
