Foto: QR SIM
Syrtqy ister ministrligi Kazinform saýalyna joldaǵan jaýabynda sheteldikter elimizden asyrap alǵan balalardyń eshbiri 18-ge tolǵannan keiin Qazaqstan azamattyǵyn tańdamaǵanyn málim etti, dep habarlaidy "Ult aqparat".
«Qazirgi tańda Qazaqstannan asyrap alynǵan balalar kámelet jasyna deiin qos azamattyqqa quqyly («QR azamattyǵy týraly» zańy, 27-bap). QR shet elderdegi mekemeleri árdaiym asyrap alynǵan balalarmen kezdesýler barysynda QR azamattyǵy máselesin jáne QR zańnamasynyń normalaryn túsindirýge kómek kórsetedi. Ókinishke qarai, kámelet jasyna tolǵandardyń barlyǵy shetel azamattyǵyn alýda. Búgingi tańda Qazaqstan azamattyǵynyń paidasyna shetel azamattyǵynan bas tartý jaǵdailary tirkelmegenine nazar aýdarý qajet», - dep jazylǵan jaýapta.
Ministrlik dereginshe, sheteldikter asyrap alǵan balalar óz tarihi otanyna qyzyǵýshylyq tanytyp, Qazaqstan elshilikterine habarlasý jaǵdailary da kezdesip turady.
«Mundai jaǵdailarda elshilik tarapynan balalarǵa tiisti aqparat berilip, elimiz, salt-dástúrimiz, qazaq tili týraly kitaptar usynylady jáne arnaiy kádesyilar tabystalady. 2019 jyly SIM uiymdastyrýymen «Meniń elim – Qazaqstan» baǵdarlamasy sheńberinde AQSh, Ispaniia jáne Italiia azamattary asyrap alǵan balalar asyraýshy ata-analarymen birge elimizge shaqyrylyp, olar Astana men Almaty qalalaryn jáne ózderiniń týǵan jerlerin aralap kórdi.
Balalardyń Qazaqstanǵa kelýge degen suranysy men qyzyǵýshylyǵyn eskere otyryp, qazirgi tańda SIM usynysymen Ýákiletti organ osy jyly «Jazǵy lager» uiymdastyrýdy josparlap otyr», - delingen jaýapta.
