Foto:oneweb.net
Sheteldik mamandar ulybritaniialyq OneWeb bailanys spýtnikterin "Baiqońyrda" tastap, ǵarysh ailaǵynan ketti, - dep habarlaidy Tengrinews.kz tilshisi RIA Novostige silteme jasap.
Resei OneWeb spýtnikterin iske qosýdan bas tartqan. Oǵan sebep Ulybritaniia úkimetiniń kompaniia direktorlary qatarynan shyqqysy kelmeýi jáne kompaniianyń spýtnikterdi áskeri maqsatta paidalanylmaitynyna kepildik berýi bolǵan.
"OneWeb toby jumysty aiaqtady, spýtnikteri bar bólmeniń temperatýra men ylǵal rejimin rettep, esikterdi mórledi. Olar ǵarysh ailaǵynan ketti", - delingen agenttik málimetinde.
Sondai-aq, sheteldikter Baiqońyrdan ǵarysh apparattaryn túgel áketkisi kelgen, biraq reisti uiymdastyrýdaǵy qiyndyqtarǵa bailanysty muny jasai almaǵan.
Derekkóz málimetinshe, spýtnikterdiń odan ary taǵdyry Ulybritaniia úkimetine bailanysty bolady.
Sheteldik mamandar spýtnikterdi ushyrý boiynsha iske qosý aldyndaǵy jumystarǵa qatysqan. Ol "Glavkosmos" kompaniiasynyń Arianespace eýropalyq ushyrý qyzmetterin jetkizýshimen jáne Starsem kompaniiasymen aradaǵy kelisimsharttaryna bailanysty júzege asqan. Starsem kompaniiasy Baiqońyrdaǵy batys standarttary boiynsha sertifikattalǵan aýmaqqa ielik etedi, olarǵa tek sheteldik mamandardyń ruqsaty boiynsha ǵana qol jetkizýge bolady.
"Roskosmos" memlekettik korporatsiiasynyń bas direktory Dmitrii Rogozin "Roskosmos" zymyrandardy jetkizýden bas tartqannan keiin OneWeb kúireitinin aitty. Alaida keiin OneWeb amerikalyq SpaceX-pen spýtnikterdi ushyrý týraly kelisim jasady.
