Foto ©RIA Novosti
Qarjy ministrliginiń Memlekettik kirister komiteti sheteldik kompaniialar tólegen "Google salyǵy" týraly málimet jariialady, - dep habarlaidy Tengrinews.kz.
Jyl basynan beri Apple, Meta, Google, Ebay, Amazon jáne basqa da kóptegen álemdik kompaniiany qosqanda 37 sheteldik kompaniia shartty tirkeý rásiminen ótti. 2022 jyldyń basynan beri bul kompaniialar 6,1 milliard teńge kóleminde salyq tólegen.
"Salyqtyń eń kóp somasyn Irlandiia rezidentteri sanalatyn Meta Platforms Ireland Limited (1,6 milliard teńge) jáne Apple Distribution International Limited (1,1 milliard teńge) kompaniialary, sondai-aq AQSh rezidenti sanalatyn "iHerb" JShQ (1,4 milliard teńge) kompaniiasy tóledi", - dedi MKK ókilderi.
"Google salyǵyn" tóleitin kompaniialardyń tolyq tizimi MKK saitynda kórsetilgen.
Eske salaiyq, 2022 jyldan bastap Jelide qyzmet kórsetetin sheteldik kompaniialar, sondai-aq internet arqyly jeke tulǵalarǵa taýar satatyn sheteldik saýda alańdary (marketpleister) Qazaqstanda QQS ("Google salyq") tóleýi tiis.
