QR Premer-Ministri Álihan Smaiylov Al Badie Group for Trading and Investment (ABG) kompaniiasynyń bas direktory Haled Mohamed Al Badimen kezdesý ótkizdi. Onda avtomobil joldaryn salý salasyndaǵy yntymaqtastyq máseleleri qaraldy, dep habarlaidy "Ult aqparat" Úkimet basshysynyń baspasóz qyzmetine silteme jasap.
ABG kompaniiasy elimizdegi iri avtojol jobalaryn, sonyń ishinde respýblikalyq mańyzy bar joldardy jańǵyrtýdy qarjylandyryp, olardy júzege asyrýǵa niet bildirdi.
Premer-Ministr búginde arab investorlarynyń Qazaqstanǵa degen qyzyǵýshylyǵynyń artyp kele jatqanyn atap ótti. Úkimet basshysynyń aitýynsha, buǵan taiaýda Memleket basshysynyń BAÁ-ge sapary yqpal etti.
«Biz sheteldik seriktesterdiń árbir usynysyn joǵary baǵalaimyz, sondai-aq investitsiialardy qorǵaý jáne qolaily iskerlik ahýaldy qamtamasyz etý boiynsha barlyq mindettemelerimizdi oryndaimyz», — dedi Álihan Smaiylov.
Óz kezeginde Haled Mohammed Al Abadi ABG kompaniiasynyń álemniń kóptegen elderinde iri infraqurylymdyq jobalardy tabysty iske asyrýda tájiribesi bar ekenin aitty.
«Eki el basshylarynyń belsendi ózara is-qimyly, sondai-aq ekijaqty qarym-qatynastardyń qarqyndy damýy bizdiń Qazaqstanǵa kelýimizge sebep boldy. Biz avtojol jobalaryn iske asyrýdy investitsiialaýǵa múddelimiz, sondyqtan Qazaqstan Úkimetimen tyǵyz yntymaqtastyqta jumys istegimiz keledi», — dedi Haled Mohamed Al Badi.
Kezdesý qorytyndysy boiynsha Premer-Ministr kompaniianyń usynystaryn tiisti memlekettik organdardyń muqiiat zerdelep, pysyqtaitynyn aitty.
