Meditsinalyq kómekti uiymdastyrý departamentiniń direktory Maǵripa Embergenova aǵzaǵa muqtaj naýqastyń týysy emes adam qandai jolmen donor bola alatynyn aitty, dep habarlaidy QazAqparat.
Redaktsiiamyzǵa oqyrmannan «Anam búiregin aýystyrý kerek. Zań boiynsha, jaqyn týysynan basqa adam donor bolsa – jazaǵa tartylady eken. Mundai jaǵdaida ne isteýge bolady? Ne sebepti genetikalyq kúii sáikes keletin sheteldik adam donor bola almaidy?» degen suraq keldi.
Oqyrman suraǵyna qatysty suraýhatymyzǵa Meditsinalyq kómekti uiymdastyrý departamentiniń direktory Maǵripa Embergenova jaýap berdi.
«Áleýetti retsipientke týys bolyp tabylmaityn adam meditsinalyq tekserýden ótýden jáne tindik úilesimdiliktiń bolýy shartymen, onyń tinderin (tinderiniń bóligin) jáne (nemese) aǵzalaryn (aǵzalarynyń bóligin) alý múmkindigi týraly konsiliým qorytyndysyn alǵannan keiin donor bola alady. Eger basqa eldiń azamaty óz aǵzasyn qazaqstandyqqa transplanttaý maqsatynda berýdi qalaityn bolsa, notarialdyq kýálandyrylǵan aǵzalaryn alýǵa óteýsiz jáne erikti kelisim berýi, sondai-aq jan-jaqty meditsinalyq tekserýden ótýi jáne onyń tinderin (tinniń bóligin) jáne (nemese) aǵzalaryn (aǵzalarynyń bóligin) alý múmkindigi týraly konsiliým qorytyndysyn alýy tiis», - dedi Maǵripa Embergenova.
